हिंगोली (Hingoli Shiv Sanvad Melava) : शिवसेना संसदीय गटनेते तथा खासदार डॉ. श्रीकांत शिंदे यांच्या प्रमुख उपस्थितीत हिंगोली येथील महावीर भवनमध्ये ‘शिव संवाद मेळावा’ मोठ्या उत्साहात पार पडला. यावेळी आरोग्यमंत्री प्रकाश आबिटकर, लोकसभा संपर्कप्रमुख आनंदराव जाधव, आमदार संतोष बांगर, आमदार बाबुराव कदम कोहळीकर आणि माजी खासदार आनंद परांजपे यांची प्रमुख उपस्थिती होती. (Hingoli Shiv Sanvad Melava) हिंगोली जिल्ह्यातील शिवसेनेचे पदाधिकारी व कार्यकर्ते मोठ्या संख्येने मेळाव्यास उपस्थित होते.
खासदार डॉ. शिंदे यांचे हिंगोलीत आगमन होताच कार्यकर्त्यांनी मोठ्या उत्साहात व घोषणांच्या गजरात स्वागत केले. मेळाव्याला संबोधित करताना खासदार शिंदे यांनी पक्षासाठी अहोरात्र झटणारे आमदार संतोष बांगर यांच्या कार्याचा विशेष गौरव केला. "संतोष बांगर हे सर्वसामान्यांसाठी व पक्षवाढीसाठी सतत कार्यरत असतात," अशा शब्दांत त्यांनी कौतुक केले.
या (Hingoli Shiv Sanvad Melava) मेळाव्यात आरोग्यमंत्री प्रकाश आबिटकर, आमदार बाबुराव कदम कोहळीकर, माजी खासदार आनंद परांजपे यांच्यासह इतर मान्यवरांचीही समायोजित भाषणे झाली. आगामी निवडणुकांच्या पार्श्वभूमीवर संघटना बळकट करणे व कार्यकर्त्यांमध्ये नवचैतन्य निर्माण करणे हा मेळाव्यामागील मुख्य उद्देश होता. कार्यक्रमाला जिल्ह्यातील शिवसेनेच्या सर्व प्रमुख पदाधिकारी, लोकप्रतिनिधी आणि हजारो कार्यकर्त्यांनी हजेरी लावल्याने महावीर भवनचा परिसर शिवसैनिकांच्या उत्साहाने दुमदुमून गेला होता.
