लातूर : स्वातंत्र्यपूर्व काळापासून सत्यशोधक विचार आणि मार्क्सवादी विचारांचा कडवा पुरस्कर्ता असलेला पक्ष म्हणजे शेतकरी कामगार पक्ष, असे प्रतिपादन प्रा. रमेश पारवे यांनी केले.
शेतकरी कामगार पक्षाच्या ७९ व्या वर्धापनदिनानिमित्त लाल झेंड्यास ध्वजवंदन करण्यात आले. यावेळी भाई उदय गवारे, कॉ. राजेंद्र विहीरे, अँड. सुरेश शिंदे आणि भाई एकनाथराव कवठेकर यांनी मनोगत व्यक्त केले.
अँड. सुरेश शिंदे किसान आघाडीचे जिल्हाध्यक्ष
अँड. सुरेश शिंदे यांची शेतकरी कामगार पक्षाच्या किसान आघाडीच्या जिल्हाध्यक्षपदी निवड करण्यात आली. याप्रसंगी जिल्ह्यातील पुरोगामी विचारांचे पक्ष व संघटना यांना एकत्रित करून शासनाच्या हुकूमशाही धोरणाविरुद्ध जनतेचा आवाज बुलंद करण्यासाठी पक्षातर्फे काम करण्याचा मनोदय त्यांनी व्यक्त केला.
कार्यक्रमाचे सूत्रसंचालन जिल्हा चिटणीस भाई अँड. सुशील सोमवंशी यांनी केले.
या कार्यक्रमास भाई उदय गवारे, अँड. सुशील सोमवंशी, राजेंद्र विहीरे, एकनाथराव कवठेकर, प्रा. दत्ता सोमवंशी, अँड. सुरेश शिंदे, प्रतापराव माने, अमर देशमुख, प्रा. रमेश पारवे, अँड. अजय कलशेट्टी, अँड. राहुल विहीरे, अँड. भालचंद्र कवठेकर, अँड. अनंत बावणे, प्रथमेश सावंत, सोहम कवठेकर, रवी माळी, प्रसाद ढगे, सचिन डोंबे पाटील, दानीवाल लांडगे, चिन्मय टिपके, धर्मदीप डोंगरे, प्रशांत सावंत, जैद उत्साद, अनिकेत गोलम आदी उपस्थित होते.
