गंगापूर (Rishikesh Bodkhe) : गंगापूर येथील युवा नेतृत्व म्हणून ओळख असलेले ऋषिकेश रामानंद बोडखे यांची शिवसेना (शिंदे गट) युवा सेनेच्या गंगापूर विधानसभा क्षेत्र संपर्कप्रमुखपदी नियुक्ती करण्यात आली आहे. त्यांच्या या निवडीचे सर्वत्र स्वागत होत आहे.
एसआयआर प्रक्रिया आणि मतदान यादी प्रभावीपणे राबविणे तसेच युवासेना सदस्य नोंदणी अभियान अधिक बळकट करण्याच्या उद्देशाने ही नियुक्ती करण्यात आली आहे. पक्षातर्फे १५ मे २०२६ रोजी त्यांना नियुक्तीपत्र देण्यात आले.
गंगापूर विधानसभा क्षेत्राच्या युवा सेनेच्या संपर्कप्रमुखपदी निवड झाल्याने ऋषिकेश बोडखे यांच्यावर पक्षाने महत्त्वाची जबाबदारी सोपवली असून, त्यांच्या नियुक्तीबद्दल कार्यकर्त्यांमध्ये आनंदाचे वातावरण आहे.
