पातूर (Patur revenue collection) : नोंदणी व मुद्रांक विभागाकडून आर्थिक वर्ष 2025-26 साठी सह दुय्यम निबंधक पातूर कार्यालयास देण्यात आलेले सात कोटी रुपयांचे महसूल वसुलीचे उद्दिष्ट यशस्वीरित्या पूर्ण करण्यात आले असून कार्यालयाने 101.95 टक्के (७ कोटी १३ लाख रुपये) इतकी उल्लेखनीय कामगिरी नोंदवली आहे.
या (Patur revenue collection) उद्दिष्टपूर्तीसाठी कार्यालयातील अधिकारी व कर्मचाऱ्यांनी सातत्याने प्रयत्न केले. मुद्रांक शुल्क, नोंदणी शुल्क, ई-फायलिंग, मुद्रांक विक्री तसेच थकित मुद्रांक शुल्क वसुली अशा विविध माध्यमांतून महसूल संकलन करण्यात आले.
या यशामागे सह जिल्हा निबंधक वर्ग-१, अकोला येथील मा. किरण चौधरी यांचे मार्गदर्शन लाभल्याचे सह दुय्यम निबंधक कु. दिपाली वर्गे यांनी सांगितले. कार्यालयाच्या या कामगिरीबद्दल सर्व स्तरातून समाधान व्यक्त केले जात आहे.
