जिल्हा पोलिस अधिक्षक डॉ. निलाभ रोहण यांनी काढले आदेश
बदल्यांमध्ये 16 पोलीस निरीक्षक व सहाय्यक पोलीस निरीक्षकांचा समावेश
हिंगोली (Hingoli Police Force) : जिल्हा पोलिस दलातील १६ पोलिस निरीक्षक, सहाय्यक पोलिस निरीक्षकांच्या जिल्ह्यांतर्गत बदल्या करण्यात आल्या आहेत. या संदर्भात जिल्हा पोलिस अधिक्षक डॉ. निलाभ रोहण यांनी ४ जून रोजी आदेश काढले आहेत. जिल्ह्यांतर्गत झालेल्या बदल्यामध्ये हिंगोली शहर पोलिस ठाण्यातील पोलिस निरीक्षक संदिप खंडेराव मोदे यांची जिल्हा विशेष शाखा हिंगोली तर जिल्हा विशेष शाखेमधील पोलिस निरीक्षक जमीर अब्दुल गणी नाईक यांची कळमनुरी पोलिस ठाणे, कळमनुरी पोलिस ठाण्याचे पोलिस निरीक्षक प्रेमप्रकाश मारोतराव माकोडे यांची पोलिस नियंत्रण कक्ष हिंगोली येथे बदली करण्यात आली.
तसेच बदलीने नव्याने जिल्ह्यात आलेले (Hingoli Police Force) पोलिस निरीक्षक देवेंद्रसिंह बहादुरसिंह ठाकुर यांची हिंगोली शहर ठाणे, आखाडा बाळापुर पोलिस ठाण्याचे पोलिस निरीक्षक विष्णुकांत तुकाराम गुठ्ठे यांची हिंगोली ग्रामीण पोलिस ठाणे तर हिंगोली ग्रामीण पोलिस ठाण्याचे पोलिस निरीक्षक शामकुमार परमेश्वर डोंगरे यांची औंढा नागनाथ पोलिस ठाणे हिंगोली शहर वाहतुक शाखेचे पोलिस निरीक्षक शरद सुभाष मरे यांची आखाडा बाळापुर पोलिस ठाणे येथे बदली करण्यात आली.
त्याच प्रमाणे कुरुंदा ठाण्याचे सहाय्यक पोलिस निरीक्षक रामदास महाजन निरदोडे यांची वसमत ग्रामीण, जिल्ह्यात नव्याने आलेले सहाय्यक पोलिस निरीक्षक महादेव शिवाजी पुरी यांची कुरुंदा पोलिस ठाणे, नव्याने जिल्ह्यात आलेले सहाय्यक पोलिस निरीक्षक संदिप आनंदराव बोरकर यांची हट्टा पोलिस ठाणे, सहाय्यक पोलिस निरीक्षक आयुब हिराजी शेख यांची औंढा नागनाथ पोलिस ठाणे, सहाय्यक पोलिस निरीक्षक उमाकांत वैजनाथ पुणे यांची कळमनुरी पोलिस ठाणे तर नवीन आलेले (Hingoli Police Force) सहाय्यक पोलिस निरीक्षक वसंत शिवलिंग आरसेवार यांची सायबर सेल व स्थानिक गुन्हे शाखा हिंगोली येथे बदली करण्यात आली आहे. त्याच प्रमाणे या पुर्वी गोरेगाव पोलिस ठाण्यात रुजु झालेले सहाय्यक पोलिस निरीक्षक हनुमंत उद्धव भिंगारे यांच्याही अधिकृत बदलीचे आदेश जिल्हा पोलिस अधिक्षक डॉ. निलाभ रोहण यांनी काढले आहे. बदलीच्या ठिकाणी तात्काळ कार्यभार स्विकारण्याच्या सूचना देण्यात आल्या आहेत.
