वाढत्या तापमानामुळे गायीचा मृत्यू; प्राणी मित्रांनी केले गाईवर अंत्यसंस्कार

हिंगोली (Hingoli Cow Deaths) : गंगानगर, हिंगोली येथे गुरुवारी वाढत्या तापमानामुळे एका गाईचा मृत्यू झाल्याची दुःखद घटना घडली. (Hingoli Cow Deaths) प्रचंड उष्णतेमुळे गाय दगावल्याचा प्राथमिक अंदाज आहे. घटना समजताच प्राणी मित्र श्रीतीज बेंगाळ, नवाब शेख, इरफान शेख, अफरोज शेख, बोरी शिकारी व आप्पा कापडशिंगी यांनी तातडीने घटनास्थळी धाव घेतली. त्यांनी मृत गाईवर माणुसकीचे दर्शन घडवत विधिवत अंतिम संस्कार केले. 

उन्हाळ्याच्या तडाख्याने मुक्या जनावरांचेही (Hingoli Cow Deaths) हाल होत असून नागरिकांनी जनावरांसाठी पाण्याची व सावलीची व्यवस्था करावी, असे आवाहन प्राणी मित्रांनी केले आहे.