गोरेगाव (Goregaon's Stormy Winds) : दुपारच्या सुमारास आलेल्या वादळी वाऱ्यासह पावसाने मोठे नुकसान केले. सोसाट्याच्या वाऱ्यामुळे अनेक ठिकाणी झाडे उन्मळून पडली, तर अनेक घरांवरील टीनपत्रे उडून गेली.
या (Goregaon's Stormy Winds) वादळाचा सर्वात मोठा फटका श्री बगारी महादेव मंदिर आणि परमपूज्य भीमाशंकर महाराज संस्थानच्या धर्मशाळेला बसला. वाऱ्याच्या प्रचंड वेगाने धर्मशाळेची भिंत कोसळली. भिंतीवरील तीनही टीनपत्रे उडून थेट मुख्य मंदिरावर आदळली.
या (Goregaon's Stormy Winds) धडकेमुळे मंदिरावरील घुमट पूर्णपणे कोसळला. तसेच छतावरील कठड्याची नक्षीदार बांधकामे व सजावट ढासळून पडली. या दुर्घटनेत मंदिराचे मोठ्या प्रमाणावर नुकसान झाले आहे. सुदैवाने या घटनेत कोणतीही जीवितहानी झालेली नाही. मात्र मंदिर परिसरात मोठी पडझड झाली असून भाविकांमध्ये हळहळ व्यक्त होत आहे. स्थानिक प्रशासनाने घटनास्थळी भेट देऊन नुकसानीची पाहणी केली असून पंचनामा करण्याचे काम सुरू आहे.
