अखिल भारतीय आंतर विद्यापीठ राष्ट्रीय कव्वाली स्पर्धेत प्रथम पारितोषिक
अमरावती (Amravati University) : ऑल इंडिया युनिव्र्हसिटीज्व्दारा आयोजित मौलाना आजाद नॅशनल उर्दू, विद्यापीठ, हैद्राबाद येथे 01 ते 02 एप्रिल, 2026 दरम्यान झालेल्या अखिल भारतीय आंतर विद्यापीठ राष्ट्रीय कव्वाली स्पर्धेत कला क्षेत्रातील अतिशय प्रतिष्ठीत प्रथम पुरस्कार (Amravati University) संत गाडगेबाबा अमरावती विद्यापीठांच्या संघाने दिमागदार कामगिरीने प्राप्त करून इतिहास रचला आहे. या यशाबद्दल चमूंचे सर्वत्र कौतुक होत आहे.
विद्यापीठ चमूंमध्ये ओम कराळे, अजय हागे, गजानन पळसकर, कल्याणी सावके, आचल सरदार, शर्वरी देशमुख, ईश्वरी इंगळे, गौरी लढ्ढा, साक्षी वानखडे, गौरी मलथानकर, तर साथीदार म्हणून तबला वादक हितेश व्यास, ढोलकी वादक कार्तिक नंदवंशी व हार्मोनियम वादक अमर कतोरे तसेच संघ व्यवस्थापक म्हणून डॉ. अभिजित अणे व डॉ. राधिका देशमुख यांचा समावेश होता.
विद्यार्थी विकास विभागांतर्गत यावर्षी आयोजित आंतर महाविद्यालयीन (Amravati University) युवा महोत्सव, आंतर विद्यापीठ इंद्रधनुष्य राज्य स्पर्धा, आंतर विद्यापीठ मध्य विभाग स्पर्धा, आंतर विद्यापीठ राष्ट्रीय युवा महोत्सव तसेच आंतर विद्यापीठ राष्ट्रीय कव्वाली या सर्व स्पर्धेमध्ये मिळालेल्या अभूतपूर्व यशाबद्दल कुलगुरू डॉ. मिलींद बारहाते, प्र-कुलगुरू डॉ. महेंद्र ढोरे, कुलसचिव डॉ. अविनाश असनारे, विद्यार्थी विकास संचालक डॉ. राजीव बोरकर यांनी संपूर्ण संघाचे अभिनंदन केले आहे.
