ऑक्टोबरच्या पहिल्याच दिवशी सराफा बाजारात दर घसरले; २२ आणि १८ कॅरेट सोन्याच्या किमतीतही मोठी कपात
ऑक्टोबर महिन्याच्या पहिल्याच दिवशी सराफा बाजारातून ग्राहकांसाठी दिलासादायक बातमी समोर आली आहे. गेल्या काही दिवसांपासून सोन्या-चांदीच्या किमतींमध्ये सुरू असलेल्या चढ-उताराच्या पार्श्वभूमीवर आज दोन्ही मौल्यवान धातू स्वस्त झाले आहेत. पितृपक्षात सोन्याच्या दरात घसरण कायम असून, आज २४ कॅरेट सोन्यासह २२ आणि १८ कॅरेट सोन्याच्या किमतीतही घट झाली. चांदीच्या दरातदेखील मोठी कपात झाली आहे.
गुड रिटर्न्सच्या माहितीनुसार, २४ कॅरेट सोन्याच्या दरात आज ३३० रुपयांची घट झाली आहे. त्यामुळे २४ कॅरेट सोन्याचा १ तोळ्याचा भाव आता १,४९,२४० रुपये झाला आहे. तर १० तोळे २४ कॅरेट सोने खरेदी करण्यासाठी १४,९२,४०० रुपये मोजावे लागतील. १० तोळ्याच्या दरात एकूण ३,३०० रुपयांची घसरण नोंदवण्यात आली आहे.
याचबरोबर २२ कॅरेट सोन्याच्या किमतीतही आज कपात झाली. २२ कॅरेट सोन्याचा १ तोळ्याचा भाव ३०० रुपयांनी कमी होऊन १,३६,८०० रुपये झाला आहे. १० तोळे २२ कॅरेट सोन्यासाठी आता १३,६८,००० रुपये खर्च येईल. या प्रमाणात १० तोळ्याच्या किमतीत ३,००० रुपयांची घट झाली आहे. सोन्याचे दागिने प्रामुख्याने २२ कॅरेट सोन्यापासून तयार केले जात असल्याने दागिने खरेदी करणाऱ्या ग्राहकांसाठी आजचे दर महत्त्वाचे ठरतात.
दरम्यान, १८ कॅरेट सोन्याच्या भावातही घसरण झाली आहे. १ तोळा १८ कॅरेट सोने २५० रुपयांनी स्वस्त होऊन १,११,९३० रुपये झाले आहे. तर १० तोळे १८ कॅरेट सोन्याची किंमत ११,१९,३०० रुपये आहे. या दरात २,५०० रुपयांची घट झाली आहे.
सोन्याच्या दरातील घसरणीनंतर चांदीच्या भावातही आज मोठी कपात झाली. १ ग्रॅम चांदीचा दर ५ रुपयांनी कमी होऊन २३५ रुपये झाला आहे. त्याचप्रमाणे १ किलो चांदीच्या किमतीत ५,००० रुपयांची घट झाली असून, आज १ किलो चांदीसाठी २,३५,००० रुपये मोजावे लागतील.
त्यामुळे ऑक्टोबरच्या सुरुवातीलाच सोने आणि चांदीच्या दरात झालेल्या घसरणीमुळे खरेदीचा विचार करणाऱ्या ग्राहकांना सध्याच्या किमती महत्त्वाच्या ठरू शकतात.
