संतोष गोरे यांच्याकडून अंतूलेनगर येथील हनुमान मंदिरास वातानुकलीत यंत्र सुपूर्त

हिंगोली (Hanuman Temple Air Conditioner) : अंतूलेनगर  येथील 'क'  तिर्थ दर्जा प्राप्त असलेल्या जागृत संकट मोचन हनुमान मंदिराला माजी पंचायत समिती सदस्य संतोष गोरे यांच्याकडून बुधवारी एसी सुपूर्त करण्यात आला असून गुरुवारी मंदिराच्या गाभाऱ्यात बसविण्यात आला.

अंतूलेनगरातील जागृत संकट मोचन हनुमान मंदिरात वर्षभर धार्मिक कार्यक्रमांची रेलचेल असते. तर मागील दोन वर्षापासून दर शनिवारी सायंकाळी महाआरती करून भाविकाकडून प्रसाद वाटप केला जातो. सातसे पेक्षा अधिक यजमान भाविकांनी दोन वर्षात प्रसाद वाटप केला. आता ही येणाऱ्या तारखा बुक झाल्या आहेत. त्यामुळे मंदिराची ख्याती दिवसेंदिवस पंचक्रोशीत वाढत चालली आहे. दर्शनासाठी ही दररोज भावीकांची गर्दी वाढत आहे.

त्यामुळे भाविकांना एन उन्हाळ्यात अभिषेक, पूजा, अर्चना करताना कोणताही त्रास होऊ नये याची काळजी घेत माजी पंचायत समिती सदस्य संतोष गोरे यांनी वातानूकुलीत यंत्र बसविले असल्याने त्यांचा मंदिर देवस्थान तर्फे सत्कार करण्यात आला.  यावेळी माजी अध्यक्ष त्रंबक तावरे, बापूराव निर्वाळ, मधुकर थोरकर, परसराम तावडे, माजी सरपंच प्रकाश कावरखे, माजी उपसरपंच किरण डहाळे, अशोक अर्धापूरकर, शास्त्री महाराज, सुनील येवलेकर,  आदींची उपस्थिती होती.