Risod Maheshwari Association: रिसोड तालुक्यातील माहेश्वरी संघटनेच्या कार्यकारिणीची निवड बिनविरोध पार पडली. अध्यक्षपदी विनोद लढ्ढा आणि सचिवपदी श्याम पल्लोड यांची निवड झाली.
अध्यक्षपदी विनोद लढ्ढा, तर सचिवपदी श्याम पल्लोड यांची निवड
रिसोड (Risod Maheshwari Association) : येथील माहेश्वरी भवन येथे रिसोड तहसील माहेश्वरी संघटनेची नूतन कार्यकारिणी निवडण्यासाठी विशेष सभेचे आयोजन करण्यात आले होते. अत्यंत उत्साही आणि गरिमामय वातावरणात पार पडलेल्या या सभेत संघटनेची आगामी काळासाठीची कार्यकारिणी बिनविरोध निवडण्यात आली. समाजाची एकजुटता आणि विश्वासाचे दर्शन घडवत पार पडलेली ही निवड प्रक्रिया समाजबांधवांसाठी अभिमानास्पद ठरली आहे.
या (Risod Maheshwari Association) निवडणूक प्रक्रियेसाठी मुख्य निवडणूक अधिकारी म्हणून ॲड. पवन भंसाली यांनी काम पाहिले. त्यांच्या मार्गदर्शनाखाली नूतन कार्यकारिणीची विधिवत घोषणा करण्यात आली. या प्रसंगी निवडणूक उपअधिकारी कृष्णा पल्लोड सर आणि निवडणूक पर्यवेक्षक तथा जिल्हा उपाध्यक्ष डॉ.राजकुमार मुंदडा यांची प्रमुख उपस्थिती होती. नवनियुक्त पदाधिकारी मध्ये तहसील माहेश्वरी संघटना अध्यक्ष विनोद लढ्ढा तर सचिव श्याम पल्लोड यांची निवड करण्यात आली तर महिला संघटना कार्यकारिणी अध्यक्ष सौ.सुरेखा पुरुषोत्तम तोष्णीवाल यांची तर सचिव पदी सौ. रूपा धूत यांची निवड करण्यात आली.
रिसोड तालुक्यातील बहुसंख्य समाजबांधवांच्या उपस्थितीत ही निवड प्रक्रिया पार पडली. (Risod Maheshwari Association) नवनियुक्त पदाधिकारी आपल्या कार्यकाळात सेवा, सदाचार आणि संघटन ही त्रिसूत्री राबवून समाजाच्या सर्वांगीण विकासासाठी आणि प्रगतीसाठी कटिबद्ध राहतील, असा विश्वास यावेळी मान्यवरांनी व्यक्त केला. या निवडीबद्दल संपूर्ण जिल्ह्यातून आणि समाजबांधवांकडून नवनियुक्त पदाधिकाऱ्यांवर अभिनंदनाचा वर्षाव होत असून त्यांच्या पुढील यशस्वी वाटचालीस शुभेच्छा दिल्या जात आहेत.