व्हीपीएल स्पर्धेत वैभवी जाधवचे यश...इंडिया वॉरियर्स संघाची विजेतेपदावर मोहोर!

बुलढाणा (Vaishnavi Jadhav VPL Tournament) : विदर्भ क्रिकेट असोसिएशनच्या अंतर्गत आयोजित करण्यात आलेल्या व्हीपीएल (VPL) स्पर्धेत (VPL Tournament) बुलढाण्याची कन्या वैभवी जाधव (Vaishnavi Jadhav) हिने उल्लेखनीय कामगिरी करत इंडिया वॉरियर्स संघातून खेळत 2026 च्या विजेतेपदावर नाव कोरले आहे. अंतिम सामन्यात उत्कृष्ट खेळीच्या जोरावर इंडिया वॉरियर्स संघाने व्हीपीएल चषक पटकावला. या यशाबद्दल संघाला विजेतेपदाचा चषक व सुवर्णपदक प्रदान करण्यात आले.

वैभवी जाधव (Vaishnavi Jadhav) हिच्या या यशामुळे बुलढाणा जिल्ह्याच्या क्रीडा क्षेत्रात अभिमानाची भर पडली असून तिच्यावर सर्व स्तरातून कौतुकाचा वर्षाव होत आहे. इंडिया वॉरियर्स संघाने 2026 च्या व्हीपीएल स्पर्धेचे विजेतेपद पटकावत उल्लेखनीय कामगिरी केली आहे.

या यशाबद्दल धर्मवीर आमदार संजूभाऊ गायकवाड, माजी सभापती गणेश बस्सी, वैभवीचे वडील प्रवीण जाधव, तसेच श्रीकृष्ण शिंदे, रोहित गवळी आणि भिमराज पाटील यांनी पुष्पगुच्छ देऊन वैभवीचे अभिनंदन केले. यावेळी उपस्थित मान्यवरांनी तिच्या भावी वाटचालीस शुभेच्छा देत राष्ट्रीय व आंतरराष्ट्रीय स्तरावरही यश मिळविण्याचा विश्वास व्यक्त केला.