महेंद्रसिंग धोनी नवरात्रोत्सव

महेंद्रसिंग धोनीचा नवरात्रोत्सवाचा जल्लोष; पत्नी साक्षीसोबत रंगले धमाल क्षण

Mahendra Singh Dhoni Navratri Festival: भारतीय क्रिकेटमधील माजी कर्णधार महेंद्रसिंग धोनी याने गुजरातमधील जामनगर येथे नवरात्रोत्सवात सहभागी होत आनंदाचे क्षण घालवले....

महेंद्रसिंग धोनीचा नवरात्रोत्सवाचा जल्लोष; पत्नी साक्षीसोबत रंगले धमाल क्षण

Mahendra Singh Dhoni Navratri Festival

 

अनंत अंबानींसोबत घेतला झुल्यांचा आनंद!

जामनगर (Mahendra Singh Dhoni Navratri Festival) : भारतीय क्रिकेटमधील माजी कर्णधार महेंद्रसिंग धोनी याने गुजरातमधील जामनगर येथे नवरात्रोत्सवात सहभागी होत आनंदाचे क्षण घालवले. रिलायन्स टाउनशिपमध्ये आयोजित नवरात्र मेळ्यात (Mahendra Singh Dhoni) धोनी पत्नी साक्षीसह पोहोचला होता. यावेळी अनंत अंबानी आणि राधिका मर्चंट यांच्यासोबत त्याने उत्सवाचा आनंद घेतला. या भेटीतील काही व्हिडिओ समाजमाध्यमांवर प्रसारित झाल्यानंतर चाहत्यांचे लक्ष वेधले गेले आहे.

या कार्यक्रमात धोनी (Mahendra Singh Dhoni) आणि अनंत अंबानी यांनी विविध मनोरंजनात्मक झुल्यांचा अनुभव घेतला. यावेळी अनंत अंबानी यांनी धोनीला एका फिरत्या झुल्यावर बसण्याची सूचना केली. मात्र, त्या झुल्यावर बसल्यास चक्कर येण्याची शक्यता असल्याच्या आशयाची प्रतिक्रिया धोनीने दिल्याचे व्हिडिओमध्ये दिसते. या प्रसंगामुळे दोघांमधील मैत्रीपूर्ण संवादाची चर्चा सुरू झाली आहे.


साक्षीसोबतचा खोडकर क्षण व्हायरल

या मेळ्यातील आणखी एका व्हिडिओने चाहत्यांचे लक्ष वेधले आहे. (Mahendra Singh Dhoni) धोनी पत्नी साक्षीला आईस्क्रीम भरवण्याचा प्रयत्न करत असल्याचे दाखवतो. साक्षीने घास घेण्यासाठी तोंड उघडताच धोनी चमचा मागे घेत स्वतःच आईस्क्रीम खाऊ लागतो. त्याच्या या खोडकर कृतीमुळे दोघांमध्ये हसण्याचा प्रसंग घडतो.

क्रिकेटच्या मैदानावर शांत आणि संयमी स्वभावासाठी ओळखल्या जाणाऱ्या (Mahendra Singh Dhoni) धोनीचा हा हलकाफुलका अंदाज चाहत्यांना भावत आहे. मैदानाबाहेरील त्याचे कौटुंबिक आणि मैत्रीपूर्ण क्षणही चाहत्यांसाठी आकर्षणाचा विषय ठरत असतात. जामनगरमधील नवरात्र मेळ्यातील हे व्हिडिओ सध्या समाजमाध्यमांवर चर्चेत आहेत.