MPSC Exam Paper Leak: महाराष्ट्र लोकसेवा आयोगाच्या औषध निरीक्षक परीक्षा पेपरफुटी प्रकरणात थेट आयोगाच्याच वरिष्ठ अधिकाऱ्यांचे कनेक्शन उघड झाले आहे. मुंबई पोलिसांच्या विशेष पथकाने मोठी कारवाई
सर्व आरोपींना २ सप्टेंबर २०२६ पर्यंत पोलीस कोठडी
मुंबई (MPSC Exam Paper Leak) : महाराष्ट्र लोकसेवा आयोगाच्या औषध निरीक्षक परीक्षा पेपरफुटी प्रकरणात थेट आयोगाच्याच वरिष्ठ अधिकाऱ्यांचे कनेक्शन उघड झाले आहे. मुंबई पोलिसांच्या विशेष पथकाने मोठी कारवाई करत एमपीएससीच्या अवर सचिवांसह एकूण ६ जणांना अटक केली आहे. अटक केलेल्यांमध्ये दोन सहाय्यक कक्ष अधिकारी आणि एका खाजगी अकॅडमीच्या संचालकाचा समावेश असून, न्यायालयाने सर्व आरोपींना २ सप्टेंबर २०२६ पर्यंत पोलीस कोठडी सुनावली आहे.
२२ मार्च २०२६ रोजी झालेल्या या परीक्षेचा पेपर आधीच लीक झाल्याचे स्पष्ट झाल्यानंतर (MPSC Exam Paper Leak) आयोगाने मंगळवारी (२५ ऑगस्ट) ही संपूर्ण भरती प्रक्रिया रद्द करण्याचा निर्णय घेतला होता. मात्र, आता थेट आयोगाच्याच अधिकाऱ्यांना अटक झाल्याने परीक्षा पद्धतीला आणि एकूणच प्रशासनाला मोठा धक्का बसला आहे.
अटक करण्यात आलेले संशयित:
१) अभिजीत गणपतराव लेंडवे (अवर सचिव, एम.पी.एस.सी.) , २) विश्वेश्वर दत्तात्रय नकाते (सहाय्यक कक्ष अधिकारी, एम.पी.एस.सी.), ३) गोपाळ भट्टु मराठे (सहाय्यक कक्ष अधिकारी, एम.पी.एस.सी.), ४) प्रविण दिलीप पाटील (संचालक, कौटिल्य अकादमी, नंदुरबार), ५) अमृत नामदेव पाटील, ६) लोकेश उर्फ गौरव राजेंद्र पाटील
....................