2027 सिंहस्थ कुंभमेळ्याच्या बोधचिन्हाचे अनावरण

मुख्यमंत्री देवेंद्र फडणवीस, दोन्ही उपमुख्यमंत्री आणि मान्यवरांची उपस्थिती

Mumbai/ Nashik (2027 Simhastha Kumbh Mela) : Trimbakeshwar Temple येथे 2027 मध्ये होणाऱ्या सिंहस्थ कुंभमेळ्याच्या अधिकृत बोधचिन्हाचे अनावरण सह्याद्री अतिथीगृहात मुख्यमंत्री Devendra Fadnavis, उपमुख्यमंत्री Eknath Shinde आणि उपमुख्यमंत्री Ajit Pawar यांच्या हस्ते करण्यात आले. कार्यक्रमात विविध आखाड्यांचे साधू-संत, मंत्रीमंडळातील सदस्य आणि वरिष्ठ अधिकारी मोठ्या संख्येने उपस्थित होते. यावेळी मुख्यमंत्री आणि उपमुख्यमंत्र्यांनी उपस्थित साधू-संतांचे स्वागत केले.

देशव्यापी स्पर्धेतून बोधचिन्हाची निवड

सिंहस्थ कुंभमेळा (2027 Simhastha Kumbh Mela) प्राधिकरण, MyGov आणि Association of Designers of India यांच्या संयुक्त विद्यमाने देशव्यापी लोगो डिझाइन स्पर्धेचे आयोजन करण्यात आले होते. 20 नोव्हेंबर ते 20 डिसेंबर 2025 दरम्यान झालेल्या या स्पर्धेत तब्बल 3067 प्रवेशिका प्राप्त झाल्या. यामध्ये 70 आंतरराष्ट्रीय स्पर्धकांचाही सहभाग होता. सहभागाच्या बाबतीत महाराष्ट्र राज्य आघाडीवर राहिले, तर दिल्ली आणि तामिळनाडू अनुक्रमे पुढील क्रमांकावर होते. 18 ते 24 वयोगटातील युवकांचा सहभाग सर्वाधिक होता.

प्रथम क्रमांक : सुमित काटे (पुणे) — ₹3 लाख व सन्मानचिन्ह
द्वितीय क्रमांक : मयांक नायक (नोएडा) — ₹2 लाख व सन्मानचिन्ह
तृतीय क्रमांक : पीयूष पिंपळनेरकर (पंढरपूर) — ₹1 लाख व सन्मानचिन्ह

दिग्गज तज्ज्ञांकडून निवड प्रक्रिया

प्रसिद्ध गीतकार Prasoon Joshi यांच्यासह अश्विनी देशपांडे, मंदार राणे, वृषाली केकणे (देशमुख), बारिश दाते, विनय नारंग, डॉ. प्राजक्ता बास्ते, प्रफुल्ल सावंत, डॉ. दिनेश वैद्य, अँथनी लोपेझ आणि डॉ. किरण शिंदे या तज्ज्ञ समितीने प्रवेशिकांचे परीक्षण केले. सर्जनशीलता, नाविन्य, ब्रँड सुसंगतता आणि सादरीकरण या निकषांवर आधारित अंतिम निवड करण्यात आली. या समितीचाही कार्यक्रमात सन्मान करण्यात आला.

बोधचिन्हाची वैशिष्ट्ये
➤ भगवान शंकराचे त्रिशूळ: आध्यात्मिक ऊर्जा आणि सनातन परंपरेचे प्रतीक.
➤ त्र्यंबकेश्वर मंदिराची प्रतिकृती: प्रदेशाच्या धार्मिक आणि सांस्कृतिक वारशाचे दर्शन.
➤ काळाराम मंदिर आणि गोदावरी नदी: गोदावरी नदीला शिवलिंगाच्या स्वरूपात दर्शवून पवित्र स्नान परंपरेचे महत्त्व अधोरेखित करण्यात आले आहे.

मान्यवरांची उपस्थिती
कार्यक्रमाला (2027 Simhastha Kumbh Mela) कुंभमेळा मंत्री Girish Mahajan, मंत्री Chhagan Bhujbal, दादाजी भुसे, उदय सामंत, शिवेंद्रसिंह राजे भोसले, मुख्य सचिव राजेश अग्रवाल, विभागीय आयुक्त प्रवीण गेडाम, प्राधिकरण आयुक्त शेखर सिंह यांच्यासह अनेक मान्यवर उपस्थित होते.