Hingoli Urdu House: राज्याचे उपमुख्यमंत्री तथा अल्पसंख्याक विकास मंत्री सुनेत्राताई अजितदादा पवार यांची भेट घेऊन हिंगोली शहरात उर्दू घर उभारण्यासाठी निवेदन सादर केले.
हिंगोली (Hingoli Urdu House) : हिंगोली शहरातील उर्दू भाषिक समाजाच्या अनेक वर्षांपासून प्रलंबित असलेल्या मागणीसाठी माजी नगरसेवक जावेद राज यांनी पुढाकार घेतला आहे. त्यांनी राज्याचे उपमुख्यमंत्री तथा अल्पसंख्याक विकास मंत्री सुनेत्राताई अजितदादा पवार यांची भेट घेऊन हिंगोली शहरात 'उर्दू घर' (Hingoli Urdu House )उभारण्यासाठी निवेदन सादर केले.
हिंगोली हा अल्पसंख्याक बहुल जिल्हा म्हणून ओळखला जातो. मात्र येथे अद्याप उर्दू भाषा, साहित्य आणि संस्कृतीच्या जतनासाठी स्वतंत्र इमारत उभारण्यात आलेली नाही. त्यामुळे विद्यार्थी, शिक्षक, साहित्यिक, शायर आणि विविध सामाजिक संस्थांना एकत्र येऊन काम करता यावे, यासाठी हिंगोलीत 'उर्दू घर' (Hingoli Urdu House) असणे आवश्यक असल्याचे निवेदनात नमूद करण्यात आले आहे.
उपमुख्यमंत्री सुनेत्राताई पवार यांनी निवेदनाची दखल घेतली असून या विषयावर सकारात्मक विचार केला जाईल, असे आश्वासन त्यांनी दिले. हिंगोली शहराला लवकरात लवकर "उर्दू घर" मंजूर व्हावे, अशी अपेक्षा व्यक्त करण्यात आली आहे. जावेद राज यांनी सांगितले की, हिंगोलीच्या सर्व समाजघटकांच्या विकासासाठी त्यांचे प्रयत्न यापुढेही सुरू राहतील.