'जंतर मंतर सीझन 2': पुन्हा सुरू होणार कॉकरोच जनता पार्टीचे मोठे आंदोलन?

नवी दिल्ली (CJP Abhijeet Dipke) : कॉकरोच जनता पार्टी (CJP) दिल्लीत आणखी एका आंदोलनाची तयारी करत असल्याचे दिसत आहे. पक्षाचे प्रमुख अभिजीत दीपके यांनी 'जंतर मंतर सीझन 2' ची घोषणा करून, येत्या काही दिवसांत सीजेपी एका नवीन मुद्द्यावरून रस्त्यावर उतरू शकते, असे संकेत दिले आहेत. तथापि, त्यांनी पुढील आंदोलनासंदर्भातील मुद्द्यावर अद्याप स्पष्टीकरण दिलेले नाही.

अभिजीत दीपके (CJP Abhijeet Dipke) पक्षाच्या कार्यकर्त्यांच्या बैठकीसाठी दिल्लीत आले होते, परंतु बैठकीसाठी नियोजित हॉलचे बुकिंग शेवटच्या क्षणी रद्द करण्यात आले, असा त्यांचा दावा आहे. यासाठी त्यांनी सत्ताधारी भाजपच्या दबावाला जबाबदार धरले. दीपके म्हणाले की, पक्ष आणि त्याचे कार्यकर्ते अशा प्रयत्नांपासून मागे हटणार नाहीत.

'जंतर मंतर सीझन 2' लवकरच येणार

दिल्लीतील एका खुल्या जनसभेत अभिजीत दीपके (CJP Abhijeet Dipke) यांनी 'जंतर मंतर सीझन 2' चा उल्लेख केला. ते म्हणाले की, सीजेपीचे (CJP) पुढील जंतर मंतर आंदोलन कधी सुरू होणार, असा प्रश्न लोक सोशल मीडियावर सतत विचारत आहेत. दीपके म्हणाले की, लोकांना लवकरच उत्तर मिळेल आणि 'जंतर मंतर सीझन 2' सुरू होणार आहे. मात्र, त्यांनी या आंदोलनाचा मुद्दा उघड केला नाही.

"आम्हाला घाबरवण्याचे प्रयत्न होत आहेत"

सीजेपी प्रमुखांनी आरोप केला की, पक्षाला कार्यक्रम आयोजित करण्यापासून रोखण्यासाठी हॉल मालकांवर दबाव आणला गेला आणि त्यांना धमक्या देण्यात आल्या. अभिजीत दीपके (CJP Abhijeet Dipke) यांचा दावा आहे की, ज्या ठिकाणी सभेसाठी परवानगी देण्यात आली होती, तिथेही कार्यक्रमाच्या काही तास आधी दबाव आणण्यात आला. त्यांनी आरोप केला की, सीजेपीची (CJP) सभा होऊ दिल्यास गंभीर परिणाम भोगावे लागतील, अशी धमकी मालकांना देण्यात आली.

दीड महिने सुरु होते सीजेपीचे आंदोलन

यापूर्वी, NEET UG 2026 पेपरफुटीच्या विरोधात सीजेपीने (CJP) दिल्लीतील जंतर मंतर येथे सुमारे दीड महिना आंदोलन केले होते. हे आंदोलन (CJP) सीजेपीच्या बॅनरखाली झाले होते आणि त्यात विविध वेळी विद्यार्थी व इतर लोक सहभागी झाले होते. या (CJP) आंदोलनादरम्यान सोनम वांगचुक यांनी उपोषणही केले होते. सीजेपी (CJP) आता पुन्हा एकदा 'जंतर मंतर सीझन 2' बद्दल बोलत आहे, परंतु यावेळच्या चळवळीचा मुद्दा अद्याप उघड करण्यात आलेला नाही.