व्ही. एस. पँथर्स युवा संघटनेचे संस्थापक अध्यक्ष विनोदभाऊ खटके यांना लातूर भूषण पुरस्कार

लातूर (Latur Bhushan Award) : व्ही. एस. पॅंथर्स युवा संघटनेचे संस्थापक अध्यक्ष विनोद भाऊ खटके यांना महाराष्ट्र राज्य पत्रकार संघाच्यावतीने लातूर भूषण पुरस्कार जाहीर करण्यात आला.
 
येथील व्ही. एस. पँथर्स युवा संघटनेच्यावतीने विविध सामाजिक उपक्रम राबवतात. त्यामध्ये सर्वधर्मीय सामूहिक विवाह सोहळा, भव्य रक्तदान शिबिरे, रोगनिदान शिबिरे, नेत्ररोग तपासणी शिबिरे, कुटुंब समुपदेशन शिबीर, बेरोजगार मेळावा अशा उपक्रमांचा समावेश असतो. विविध प्रकारच्या सामाजिक उपक्रमातून समाजाचे ऋण फेडण्याच्या हेतूने नेहमीच सामाजिक कार्यात अग्रेसर असणारे व्ही. एस. पँथर्स युवा संघटनेचे संस्थापक अध्यक्ष विनोदभाऊ खटके यांना यावर्षीचा महाराष्ट्र राज्य पत्रकार संघ मुंबईच्या वतीने दिला जाणारा लातूर भूषण पुरस्कार जाहीर झाला आहे.

 हा (Latur Bhushan Award) पुरस्कार वितरण सोहळा मराठवाडा मुक्ती संग्राम दिनी  लातूर येथील दयानंद सभागृहात संपन्न होणार आहे. हा पुरस्कार जाहीर झाल्याबद्दल विनोद भाऊ खटके यांचे सर्वत्र अभिनंदन होत आहे.