हिंगोलीचे जिल्हाध्यक्ष डॉ. सतीश पाचपुते यांच्या कुटुंबीयांनी घेतली भेट
हिंगोली (Rahul Gandhi) : नाशिक येथे संघटन सृजन अभियानांतर्गत नवनियुक्त काँग्रेस जिल्हाध्यक्षांचे दहा दिवसीय प्रशिक्षण शिबिर पार पडले. २ सप्टेंबर रोजी झालेल्या शिबिराच्या समारोपप्रसंगी लोकसभेतील विरोधी पक्षनेते, खासदार मा. राहुल गांधी (Rahul Gandhi) यांनी उपस्थित राहून राज्यातील नवनियुक्त जिल्हाध्यक्ष तसेच त्यांच्या कुटुंबीयांशी आपुलकीने संवाद साधला.
यावेळी हिंगोली जिल्हा काँग्रेस कमिटीचे जिल्हाध्यक्ष डॉ. सतीश पाचपुते यांच्या कुटुंबीयांनी राहुल गांधी यांची भेट घेतली. राहुलजींनी प्रत्येक जिल्हाध्यक्षांच्या कुटुंबीयांशी संवाद साधत त्यांच्या भावना जाणून घेतल्या. या आपुलकीच्या भेटीमुळे शिबिरातील सर्व जिल्हाध्यक्षांमध्ये आनंदाचे आणि उत्साहाचे वातावरण निर्माण झाले. यानंतर राहुल गांधी यांनी नवनियुक्त जिल्हाध्यक्षांना तब्बल दोन तास जागतिक राजकारण, भारताची सद्यस्थिती आणि काँग्रेसचे संघटन मजबूत करण्याबाबत सविस्तर मार्गदर्शन केले.
यावेळी डॉ. सतीश पाचपुते म्हणाले, “मा. राहुल गांधीजींच्या मार्गदर्शनातून संघटन मजबूत करण्यासाठी नवी ऊर्जा आणि दिशा मिळाली आहे. राहुलजींच्या विचारांना आणि महाराष्ट्र प्रदेश काँग्रेस कमिटीचे अध्यक्ष मा. हर्षवर्धन सपकाळ यांच्या मार्गदर्शनाला अनुसरून हिंगोली जिल्ह्यात काँग्रेसचे संघटन अधिक मजबूत व सक्षम करण्यासाठी आम्ही सर्वतोपरी प्रयत्न करू.”
राहुलजी गांधी (Rahul Gandhi) यांनी जिल्हाध्यक्षांच्या कुटुंबीयांशी साधलेला संवाद हा अत्यंत आत्मीय आणि प्रेरणादायी होता. या भेटीमुळे सर्व जिल्हाध्यक्षांचा आत्मविश्वास निश्चितच वाढला आहे, असेही डॉ. सतीश पाचपुते यांनी सांगितले.
