पुणे (MPSC Exam) : महाराष्ट्र लोकसेवा आयोगाने (MPSC) गट-क सेवा संयुक्त पूर्व परीक्षा 2026 पुन्हा पुढे ढकलण्याचा निर्णय घेतला आहे. 25 ऑक्टोबर 2026 रोजी होणारी परीक्षा आता 3 जानेवारी 2027 रोजी घेण्यात येणार आहे. आयोगाने सुधारित परीक्षेची तारीख प्रसिद्धिपत्रकाद्वारे जाहीर केली आहे.
राज्यातील विविध जिल्ह्यांमध्ये परीक्षा उपकेंद्रांची उपलब्धता, स्थानिक परिस्थिती, वाहतूक व्यवस्था तसेच परीक्षार्थींना परीक्षा केंद्रांवर सुरक्षितपणे आणि वेळेत पोहोचता येईल का, याचा आयोगाने विचार केला. याशिवाय (MPSC Exam) राज्य सेवा मुख्य परीक्षा, सणासुदीचा कालावधी, इतर भरती संस्थांच्या परीक्षांचे वेळापत्रक आणि राज्य विधिमंडळाचे हिवाळी अधिवेशन या बाबींचाही विचार करण्यात आल्याचे आयोगाने स्पष्ट केले आहे.
गट-क संयुक्त पूर्व परीक्षा यापूर्वीही अनेकदा पुढे ढकलण्यात आली आहे. त्यामुळे (MPSC Exam) परीक्षेची तयारी करणाऱ्या उमेदवारांमध्ये नाराजी व्यक्त होत आहे. आता परीक्षा जानेवारी 2027 पर्यंत लांबल्याने उमेदवारांना आपल्या अभ्यासाचे नियोजन पुन्हा करावे लागणार आहे. परीक्षेचे केंद्र, प्रवेशपत्र, वेळ आणि इतर महत्त्वाच्या सूचना आयोगाच्या संकेतस्थळावर यथावकाश प्रसिद्ध करण्यात येणार आहेत.
