हिंगोली जिल्ह्यातून हजारो ओबीसी बांधव मुंबई एल्गार महामोर्चासाठी रवाना

हिंगोली (OBC Samaj Mahamorcha) : ओबीसी नेते प्रा. लक्ष्मण हाके सर यांच्या नेतृत्वाखाली उद्या दि. १ सप्टेंबर २०२६ रोजी पाटस टोल नाका, ता. दौंड, जि. पुणे येथून मुंबई मंत्रालयावर भव्य ओबीसी एल्गार महामोर्चा काढण्यात येणार आहे. या महामोर्चात सहभागी होण्यासाठी हिंगोली जिल्ह्यातून हजारो (OBC Samaj Mahamorcha) ओबीसी बांधव आज रवाना झाले आहेत.

जिल्हा समन्वयक ॲड. रवि शिंदे, बालाजी देवकर, भास्कर पोले, विठ्ठल गाभणे, प्रा. गजानन थोरात आसोलेकर, संतोष मस्के, डॉ. वसंत मस्के, सोमनाथ रणखांब, सुदर्शन हाके, सोमनाथ महाजन, राजू भोसीकर, रंगराव हराळे, नपते, राजू बाभळे, प्रदीप मस्के, प्रमोद वडकुते, गोपाल सातपुते, मनोज मस्के, पांडुरंग चेन्ने, संतोष रणखांब, नारायण मस्के, अंकुश नाईक यांच्यासह हजारो कार्यकर्ते चारचाकी वाहनांनी मुंबईकडे रवाना झाले आहेत. ओबीसी आरक्षणाचे संरक्षण आणि इतर मागण्यांसाठी हा (OBC Samaj Mahamorcha) एल्गार मोर्चा काढण्यात येत असल्याचे समन्वयकांनी सांगितले.