पिकअप वाहनाचा चुराडा, ट्रक चालकाविरुद्ध गुन्हा दाखल
गोंदिया (Gondia Accident) : गोंदिया जिल्ह्यातील नागरा परिसरात भरधाव ट्रक आणि पिकअप वाहनाची समोरासमोर धडक होऊन भीषण अपघात झाला. या दुर्घटनेत पिकअपमधून प्रवास करणाऱ्या सहा जणांचा जागीच मृत्यू झाला, तर सात जण गंभीर जखमी झाले. सोमवारी रात्री गोंदिया-बालाघाट मार्गावर ही घटना घडली.
मिळालेल्या माहितीनुसार, मध्य प्रदेशातील बालाघाट जिल्ह्यातील मजूर कामानिमित्त हैदराबादच्या दिशेने पिकअप वाहनातून जात होते. (Gondia Accident) नागरा परिसरात त्यांच्या वाहनाला समोरून येणाऱ्या भरधाव ट्रकने जोरदार धडक दिली. धडक एवढी भीषण होती की पिकअप वाहनाचा मोठ्या प्रमाणात चुराडा झाला. या अपघातात (Gondia Accident) आरुष मात्रे, किरण संतोष वैद्य, संतोष मात्रे, सुशीला मात्रे, रुपसेन सत्याकर आणि ज्योती सत्याकर यांचा मृत्यू झाला. तर भूमेश्वर मात्रे, संगीता मात्रे, राजेंद्र पांचाळे, लक्ष्मी पांचाळे, संतोष वैद्य, राकेश बाहे आणि पिकअप चालक संदीप बाहे हे जखमी झाले आहेत.
अपघाताची माहिती मिळताच स्थानिक नागरिकांसह ग्रामीण पोलिसांनी घटनास्थळी धाव घेतली. वाहनात अडकलेल्या जखमींना बाहेर काढून उपचारासाठी गोंदिया येथील शासकीय रुग्णालयात दाखल करण्यात आले.(Gondia Accident) जखमींपैकी काहींची प्रकृती गंभीर असल्याचे सांगण्यात आले आहे. दरम्यान, या (Gondia Accident) प्रकरणी पोलिसांनी ट्रक चालकाविरुद्ध गुन्हा दाखल केला असून अपघात नेमका कशामुळे झाला, याचा तपास सुरू आहे.
