रत्नागिरी (Ganpati Temple Dress Code) : महाराष्ट्रातील कोकण किनारपट्टीवरील प्रसिद्ध तीर्थक्षेत्र असलेल्या गणपतीपुळे येथील (Ganpati Temple Dress Code) श्रीदेव गणपती मंदिरात 1 जानेवारी 2027 पासून भाविकांसाठी वस्त्रसंहिता (ड्रेस कोड) सक्तीची करण्यात येणार आहे. मंदिराचे पावित्र्य, धार्मिक परंपरा आणि शिस्त कायम राखण्याच्या उद्देशाने हा निर्णय घेण्यात आल्याची माहिती मंदिर देवस्थान प्रशासनाने दिली.
‘संस्थान श्रीदेव गणपतीपुळे’ मंदिर ट्रस्टचे अध्यक्ष नीलेश कोल्हटकर यांनी दिलेल्या माहितीनुसार, मंदिरात गेल्या वर्षीपासूनच वस्त्रसंहितेची प्राथमिक स्वरूपात अंमलबजावणी सुरू करण्यात आली होती. मात्र, नियमांची माहिती नसल्यामुळे भाविकांमध्ये गैरसमज निर्माण होऊ नयेत, यासाठी गेल्या काही महिन्यांपासून जनजागृतीवर भर देण्यात आला.
आता 1 जानेवारी 2027 पासून वस्त्रसंहितेची काटेकोरपणे अंमलबजावणी केली जाणार आहे. (Ganpati Temple Dress Code) मंदिरात गुडघ्यापेक्षा वर असलेल्या तोकड्या कपड्यांवर बंदी राहणार आहे. भाविकांनी मंदिराच्या धार्मिक वातावरणाला साजेशी वस्त्रे परिधान करून दर्शनासाठी यावे, असे आवाहन देवस्थान प्रशासनाकडून करण्यात आले आहे. वस्त्रसंहितेची सुरुवातीला अंमलबजावणी करण्यात आली तेव्हा काही भाविकांनी नियमांची माहिती नसल्याचे सांगत नाराजी व्यक्त केली होती. भाविकांची गैरसोय टाळण्यासाठी प्रशासनाने आधी जनजागृती करण्याचा निर्णय घेतला. त्यानंतर विविध माध्यमांतून वस्त्रसंहितेबाबत भाविकांना माहिती देण्यात आली.
गणपतीपुळे मंदिरात (Ganpati Temple Dress Code) दरवर्षी सुमारे 25 लाख भाविक दर्शनासाठी येतात. दररोज सरासरी एक हजार भाविक मंदिरात दर्शन घेतात. तर संकष्टी आणि विनायकी चतुर्थीच्या दिवशी भाविकांची संख्या साधारण पाचपट वाढते. दरम्यान, भाविकांच्या सोयीसाठी देवस्थानच्या वतीने अन्नछत्र तसेच निवासाची पुरेशी व्यवस्था उपलब्ध असल्याचे ट्रस्टने सांगितले आहे.
