वसमतमध्ये एकाच कुटुंबातील पाच जण अपघातात ठार

वसमत (Wasmat Terrible Accident) : वसमत येथील बुधवार पेठ भागातील रहिवासी व जुने पोस्ट ऑफिस परिसरात असलेल्या हॉटेल चालकाच्या मुलांच्या गाडीला जिंतूर तालुक्यातील चारठाणा गणेश पुर जवळ भयंकर अपघात झाला. यामध्ये शेख मेहबूबभाई दोन मुलं एक सुनबाई, दोन नाती असे पाचजण  ठार झाले असून. दोन जण गंभीर जखमी असल्याचे वृत्त आहे. ईदमिलन कार्यक्रमासाठी पाहुण्यांना भेटण्यासाठी मंठा येथे जात असताना मंठा रोडवर चारठाणा जवळ जवळील पेट्रोल पंपाजवळ रविवारी दुपारी ही भयंकर घटना घडली या (Wasmat Terrible Accident) घटनेमुळे वसमत शहरावर शोककळा पसरली आहे.

वसमत येथील बुधवार पेठ भागातील रहिवासी सय्यद महबूब भाई यांची जुने पोस्ट ऑफिस परिसरात हॉटेल नशेमन नावाची हॉटेल आहे. सय्यद महबूब भाई त्यांचे दोन मुलं, सुनबाई व चार नातवंड   असे सात जणांचे कुटुंब कारमधून मंठा येथे ईद मिलनसाठी बहिणीला भेटण्यासाठी मंठा येथे कारने जात होते. जिंतूर तालुक्यातील चारठाणा जवळ दुपारच्या वेळी एका मिनी लक्झरी गाडीने क्रमांक एम एच 20 डी डी 76 66 ने डिझायर कार क्रमांक एम एच 12 जीएफ 62 59 ला जोरदार धडक दिली. या (Wasmat Terrible Accident) अपघातात कार मधील सय्यद अझहर, त्यांची पत्नी सुमय्या सय्यद व त्यांच्या दोन चिमुकल्या  मुली जागीच ठार झाले आहेत. तर अजहर यांचा लहान  भाऊ सय्यद इस्माईल यास गंभीर जखमी झाल्याने रुग्णालयात येत असताना वाटेत त्याचे निधन झाले.

तर कार मधील इतर दोघे लहान मुलं गंभीर जखमी आहेत. त्यांना उपचारासाठी छत्रपती संभाजी नगर येथील रुग्णालयात दाखल करण्यात आले आहे. या भयंकर अपघाताची बातमी वसमत शहरात पसरतात प्रचंड खळबळ उडाली आहे. वसमत शहरावर शोककळा पसरली आहे. हॉटेल चालक सय्यद महबूब भाई व त्यांचे दोन्ही मुलं सय्यद अजहर आणि सय्यद इस्माईल हे वसमत मध्ये अत्यंत मनमिळावू म्हणून प्रसिद्ध आहेत. (Wasmat Terrible Accident) त्यांच्या कुटुंबीयांवर काळाने घाला घातल्याने वसमत शहरातील सर्व स्तरातून हळहळ व दुःख व्यक्त होत आहे. अपघातग्रस्त कुटुंबांना मदत करण्यासाठी वसमत मधील अनेक मान्यवर घटनास्थळी दाखल झाले आहेत. या अपघातात कारचा अक्षरशः चुराडा झाला आहे जखमी मध्ये दोन लहान मुलींचा समावेश आहे.