Minor Girl Abduction: परभणीच्या गंगाखेड तालुक्यात अल्पवयीन युवतीचे अपहरण झाल्याची घटना. घटना १० एप्रिल रोजी घडली व २२ एप्रिल रोजी अज्ञात इसमाविरुद्ध गुन्हा दाखल करण्यात आला.
परभणी (Minor Girl Abduction) : गंगाखेड तालुक्यातील माखणी येथील इयत्ता अकरावीच्या वर्गात शिकणाऱ्या अल्पवयीन युवतीचे अपहरण झाल्याची घटना शुक्रवार १० एप्रिल रोजी घडली. याप्रकरणी बुधवार २२ एप्रिल रोजी अज्ञात इसमाविरुद्ध अपहरणाचा गुन्हा दाखल करण्यात आला आहे.
याबाबत समजलेली अधिक माहिती अशी की इयत्ता अकरावीच्या वर्गात शिकणारी माखणी येथील १७ वर्ष ३ महिने २२ दिवस वय असलेली अल्पवयीन युवती कॉम्प्युटर क्लाससाठी शुक्रवार १० एप्रिल रोजी सकाळी ११:३० वाजेच्या सुमारास गंगाखेड शहरात आली व त्यानंतर ती गावाकडे परत गेलीच नाही ही बाब युवतीच्या आईने मंगळवार १४ एप्रिल रोजी मुंबई येथून गावी परतलेल्या पतीस सांगितली तेंव्हा अल्पवयीन युवतीचा तिच्या मैत्रिणीकडे तसेच नातेवाईकांकडे शोध घेण्यात आला. मात्र ती मिळून आली नसल्याने बुधवार २२ एप्रिल रोजी अल्पवयीन युवतीच्या पित्याने दिलेल्या फिर्यादीवरून गंगाखेड पोलीस ठाण्यात अज्ञात इसमाविरुद्ध (Minor Girl Abduction) अपहरणाचा गुन्हा दाखल करण्यात आला. याचा पुढील सपोनि शिवाजी सिंगणवाड हे करीत आहेत.