परभणीत वाहतूक निरीक्षक शेलारला लाच प्रकरणात अटक...?

परभणी (Parbhani Bribery Case) : लग्नाला जायचे, रजा द्या, अशी मागणी केली असता वाहतूक निरीक्षक रतन नामदेव शेलार यांनी ५०० रुपयाची मागणी केली. लाच स्वीकारल्यानंतर लाच लुचपत विभागाच्या पथकाने वाहतूक निरीक्षकास अटक करून त्यांच्यावर कायदेशीर कारवाई केली. 

राज्य परिवहन महामंडळ परभणी आगारातील एका वाहन चालकास एक दिवसाची रजा पाहिजे होती. त्या चालकास एका मित्राच्या लग्न सोहळ्याला उपस्थित राहण्यासाठी ही रजा मागितली होती. परंतु रजा मंजूर करण्यासाठी वाहतूक निरीक्षक रतन शेलार यांनी ५०० रुपयाची मागणी केली. (Parbhani Bribery Case) मागणीनंतर चालकाने परभणी येथील लाच लुचपत विभागाकडे तक्रार दिली. गुरुवार १६ एप्रिल रोजी पंचाच्या समक्ष लाचेची मागणी व लाच स्वीकारली.

लाच (Parbhani Bribery Case) ही शेलार यांनी वाहतूक निरीक्षक यांच्या कक्षातच स्वीकारल्यानंतर त्यांना तात्काळ अटक करण्यात आली. त्यानंतर शेलार यांच्या घराची देखील झडती घेण्यात आली. पोलीस उपअधीक्षक महेश पाटणकर यांच्या पथकाने ही कारवाई यशस्वी केली. पुढील तपास पोलीस निरीक्षक मनीषा पवार यांच्याकडे सोपवण्यात आला आहे. या प्रकरणात कोतवाली पोलीस ठाण्यात कलम ७ भ्रष्टाचार प्रतिबंधक अधिनियम १९८८ अन्वये गुन्हा नोंद करण्यात आला.