Parbhani ganja seized: परभणी शहरातील लोहगाव रोडवर मध्यरात्री एका घरावर पोलिसने छापा टाकला. छाप्यात दिड किलो गांजा आणि १ लाख ३८ हजार रुपयांची रक्कम जप्त करण्यात आली.
परभणीतील लोहगाव रोडवर कारवाई; कोतवाली पोलिसात गुन्हा
परभणी (Parbhani ganja seized) : शहरातील लोहगाव रोड परिसरात पोलीस अधीक्षक यांच्या विशेष पथकाने शुक्रवार २९ मे च्या मध्यरात्री एका घरावर छापा टाकला. या कारवाईत घरातून दिड किलो गांजा आणि १ लाख ३८ हजार रुपयांची रक्कम जप्त करण्यात आली. सदर प्रकरणी आरोपीवर कोतवाली पोलिसात गुन्हा दाखल करण्यात आला आहे.
पोलीस अधीक्षक यांच्या विशेष पथकातील पोउपनि. संदीप शिंदे, अर्जून टरके, पोलीस अंमलदार सय्यद इरशाद, सुर्यकांत ताटीकोंडलवार, यशवंत वाघमारे, गोविंद चुडावकर, अस्लम शेख, लिंबाजी वाव्हुळे यांचे पथक शहरात अवैध धंद्यांची माहिती काढत गस्त घालत होते. या पथकाला लोहगाव रोड साखला प्लॉट परिसरात एका घरात पिराजी मारोती ढेपे हा इसम गांजा विक्री करत असल्याची माहिती मिळाली. या माहितीवरुन पथकाने सरुबाई मल्हारी गुंठे यांच्या घराची झडती घेतली. यावेळी पिराजी ढेपे हा गांजाच्या पुड्या तयार करताना दिसून आला. त्याच्या जवळून दिड किलो गांजा आणि रोकड जप्त (Parbhani ganja seized) करण्यात आली. या प्रकरणी पिराजी ढेपे याच्यावर गुन्हा नोंदविण्यात आला आहे.