Nagpur burglary: नागपूरमधील वाठोडा पोलीस ठाण्याच्या हद्दीत बंद घर फोडून १.९१ लाखांचा ऐवज चोरल्याची घटना घडली. अज्ञात चोरट्यांनी मुद्देमाल चोरून नेला.
नागपूर (Nagpur burglary) : वाठोडा पोलीस ठाण्याच्या हद्दीतील शिवछत्रपतीनगर परिसरात घरफोडीची घटना उघडकीस आली असून, अज्ञात चोरट्यांनी बंद घर फोडून तब्बल १ लाख ९१ हजारांचा मुद्देमाल चोरून नेल्याने परिसरात भीतीचे वातावरण निर्माण झाले आहे. विद्या विकास शाळेजवळ राहणारे अनिल बाळकृष्ण बोरसरे (वय ४१) हे १८ एप्रिल रोजी दुपारी सुमारे १२ वाजता घराला कुलूप लावून पाचपावली येथील नातेवाईकांकडे गेले होते. घर बंद असल्याची संधी साधत चोरट्यांनी (Nagpur burglary) घरावर डल्ला मारला. त्यांनी मुख्य दरवाजाचे कुलूप व कडीकोंडा तोडून घरात प्रवेश केला.
यानंतर बेडरूममधील लोखंडी कपाट उघडून ११ हजारांची रोकड तसेच सोन्या-चांदीचे दागिने असा एकूण १ लाख ९१ हजारांचा ऐवज चोरून नेला. रविवारी सकाळी सुमारे ८ वाजता अनिल बोरसरे घरी परतले असता त्यांना घराचे कुलूप तुटलेले आढळले. घरात पाहणी केली असता चोरीचा प्रकार उघडकीस आला. या (Nagpur burglary) प्रकरणी अनिल बोरसरे यांनी दिलेल्या तक्रारीवरून वाठोडा पोलिसांनी अज्ञात आरोपीविरुद्ध गुन्हा दाखल केला असून पुढील तपास सुरू आहे.