पत्नीवर धारदार शस्त्राने जीवघेणा हल्ला; पतीविरुद्ध आष्टी पोलिसांत गुन्हा

घोट (Wife Brutal Attack) : चामोर्शी तालुक्यातील विकासपल्ली येथील एका व्यक्तीने पत्नीवर धारदार शस्त्राने वार करून तिला ठार मारण्याचा प्रयत्न केल्याची धक्कादायक घटना रविवारी (दि. 28) सकाळी बामणपेठ गावाजवळील जंगल मार्गावर घडली. या प्रकरणी आष्टी पोलीस ठाण्यात आरोपी पतीविरुद्ध गुन्हा दाखल करण्यात आला आहे.

पोलीसांनी दिलेल्या माहितीनुसार, ब्रजकेश ठाकूर दास (वय 34, रा. विकासपल्ली) याने पत्नी कनिका ब्रजकेश दास ऊर्फ कनिका विश्वजीत मंडल (वय 28) हिला तिच्या नातेवाईक हरिदास अमल गाईन यांच्यासोबत दुचाकीने घरी सोडण्यासाठी जात असताना बामणपेठजवळ अडविले. आरोपीने दुचाकीला पायाने धक्का मारून थांबविले. त्यानंतर अश्लील शिवीगाळ करत जिवे मारण्याची धमकी दिली व (Wife Brutal Attack) धारदार शस्त्राने कनिका हिच्या पोटावर, मानेवर, दोन्ही हातांवर आणि दोन्ही पायांवर वार करून तिच्या खुनाचा प्रयत्न केला. या हल्ल्यात फिर्यादी हरिदास गाईन व सहा वर्षीय आयुष ब्रजकेश दास यांनाही धोका निर्माण झाला.

याप्रकरणी फिर्यादी हरिदास अमल गाईन (वय 25, रा. लगाम, ता. मूलचेरा) यांनी दिलेल्या तक्रारीवरून आष्टी पोलीस ठाण्यात अपराध क्रमांक 183/2026 अंतर्गत भारतीय न्याय संहिता (BNS) कलम 109(1), 296 व 351(3) अन्वये गुन्हा दाखल करण्यात आला आहे. या (Wife Brutal Attack) प्रकरणाचा पुढील तपास सहाय्यक पोलीस निरीक्षक मदन मस्के करीत असून, पोलीस निरीक्षक विशाल काळे यांच्या मार्गदर्शनाखाली तपास सुरू आहे. जखमी महीलेला ग्रामीण रुग्णालय आष्टी येथून पुढील उपचारासाठी चंद्रपूर येथील जिल्हा सामान्य रुग्णालयात दाखल करण्यात आले आहे. संघटनेच्या पुढील तपास आष्टी पोलीस करीत आहे.