कळमनुरी तालुक्यातील सुकळीवीर जिल्हा परिषद शाळेतून चोरट्यांनी तिन गॅस सिलिंडर चोरून नेले यामुळे शाळेतील विद्यार्थ्यांना पोषण आहार शिजवून देण्याची पंचायत झाली आहे.
आखाडा बाळापूर (Gas Cylinder) : कळमनुरी तालुक्यातील सुकळीवीर जिल्हा परिषद शाळेतून चोरट्यांनी तिन गॅस सिलिंडर चोरून नेले यामुळे शाळेतील विद्यार्थ्यांना पोषण आहार शिजवून देण्याची पंचायत झाली आहे.
याबाबत मिळालेल्या माहितीनुसार, कळमनुरी तालुक्यातील सुकळीवीर येथील जिल्हा परिषद शाळा पोषण आहार किचन शेड येथून १० मार्च रात्री ते ११ मार्च सकाळी ९वाजण्याच्या दरम्यान अज्ञात चोरट्यांनी किचन रूम कुलूप तोडून दोन भारत कंपनीचे व एक इंडेन कंपनी एक असे जुने वापरलेले ३ गॅस सिलिंडर (Gas Cylinder) कीमत ४५०० चोरून नेले. याबाबत मुख्याध्यापक नागोराव चांदोजी मेंडके फिर्यादीवरून अज्ञात आरोपीविरुद्ध आखाडा बाळापूर पोलीस स्थानकात गुन्हा दाखल करून पुढील तपास बिटप्रमुख संतोष नागरगोजे करत आहे.
चोरट्यांनी लक्ष केले गॅस सिलिंडर
सध्या आखाती युद्धामुळे विविध भागात गॅस टंचाई आहे, मागणीनुसार वेळेवर गॅस सिलिंडर मिळत नाही यामुळे चोरट्यांनीही शाळेतून (Gas Cylinder) गॅस सिलिंडर चोरी करून नेले आहे. गॅस सिलिंडर चोरी झाले असल्याने पोषण आहार शिजवून देण्यासाठी मोठी गैरसोय होते.