हिंगोली (Hingoli Cyber Cell) : येथे जेष्ठ विधीज्ञ रंभाजी हनुमंत शिंदे रा. गणेश वाडी यांच्याकडून यात्रेसाठी पाठवत असलेली 10 हजार रुपयांची रक्कम 5 मे 2026 रोजी चुकून दुसऱ्या फोन पे नंबरवर गेली. समोरच्या व्यक्तीने अनेक विनंत्या करूनही पैसे परत केले नाहीत. शिंदे यांनी सायबर सेल हिंगोली येथे तक्रार दाखल करताच, पोलिसांनी अवघ्या 5 मिनिटांत कारवाई करून सदर रक्कम परत मिळवून दिली.
पोलीस अधीक्षक डॉ. नीलाभ रोहन यांच्या सूचनेनुसार जेष्ठ नागरिक, महिला व मुलांच्या तक्रारींवर (Hingoli Cyber Cell) हिंगोली पोलीस प्राधान्याने व तत्काळ कार्यवाही करतात. नागरिकांनी मदतीसाठी 112 या निशुल्क क्रमांकावर संपर्क साधावा, असे आवाहन पोलिसांनी केले आहे.
