Hingoli Rural Police: समोर आतंकवादी फिरत असल्याचे सांगून त्यांच्या जवळील सोन्याची अंगठी काढण्यास सांगून रुमालामध्ये ठेवल्याचे भासून सोळंके यांच्या गाडीच्या डिक्कित ठेवून निघून गेले.
हिंगोली ग्रामीण पोलीस ठाण्यात गुन्हा दाखल
हिंगोली (Hingoli Rural Police) : हिंगोली-औंढा नागनाथ रस्त्यावर डिग्रस फाट्याजवळ सेवानिवृत्त शिक्षक अशोक यादवराव सोळंके रा. येहळेगाव सों. ता.औंढा ना. ह.मु. बांगर नगर,हिंगोली यांना दोन अनोळखी भामट्याने त्यांच्या वाहनासमोर येवून थांबा थांबा आम्ही पोलिस आहोत, अशी बतावणी करून समोर आतंकवादी फिरत असल्याचे सांगून त्यांच्या जवळील सोन्याची अंगठी काढण्यास सांगून रुमालामध्ये ठेवल्याचे भासून सोळंके यांच्या गाडीच्या डिक्कित ठेवून निघून गेले. त्यानंतर सोळंके यांनी डिक्कीतील रुमालाची पाहणी केली असता सोन्याची अंगठी व मोबाईल दिसून आला नसल्याने हिंगोली ग्रामीण पोलिसात २ अनोळखी भामट्यावर गुन्हा दाखल करण्यात आला. पुढील तपास अस्लम गारवे हे करीत आहेत.