Gangakhed Bus Station Theft: गंगाखेड तालुक्यात बैलजोडी विक्री करुन आलेले ८० हजार रुपये शेतकर्याने आपल्या खिशात ठेवले होते. गावाकडे जाण्यासाठी गंगाखेड बसस्थानकात आल्यानंतर बसमध्ये चढत असताना गर्दी
गंगाखेड शहर बसस्थानकातील प्रकार, गर्दीचा फायदा घेत चोरी
परभणी (Gangakhed Bus Station Theft) : गंगाखेड तालुक्यात बैलजोडी विक्री करुन आलेले ८० हजार रुपये शेतकर्याने आपल्या खिशात ठेवले होते. गावाकडे जाण्यासाठी गंगाखेड बसस्थानकात आल्यानंतर बसमध्ये चढत असताना गर्दीचा फायदा घेत अज्ञात चोरट्याने सदर रक्कम लंपास केली. या प्रकरणी मंगळवार ९ जून रोजी गंगाखेड पोलीस ठाण्यात गुन्हा दाखल करण्यात आला आहे. बंकट इमडे यांनी तक्रार दिली आहे. फिर्यादी हे बैलजोडी विकण्यासाठी गंगाखेड येथील पशु बाजारात आले होते. दुपारच्या सुमारास त्यांनी बैलजोडी विक्री केली. यातून त्यांना ८० हजार रुपये मिळाले. शहरात काही खाजगी काम करुन दुपारी चारच्या सुमारास फिर्यादी हे गावाकडे जाण्यासाठी बसस्थानकात आले.
गंगाखेड - अहमदपूर या बसमध्ये चढत असताना गर्दीचा फायदा घेत अज्ञात चोरट्याने फिर्यादीच्या पॅन्टच्या खिशात ठेवलेले ८० हजार रुपये चोरुन नेले. चोरी झाल्याचे लक्षात आल्यावर फिर्यादीने गाडीतून उतरुन आजूबाजुच्या लोकांना विचारणा केली. मात्र चोरट्याचा पत्ता लागला नाही. या प्रकरणी गंगाखेड पोलीस ठाण्यात गुन्हा दाखल करण्यात आला आहे. पोलीस अधिक तपास करत आहेत.