एकाच रात्री दोन दुकानाचे शटर फोडणाऱ्या दोन विधीसंघर्षग्रस्त बालकांना अटक

कन्हान (Kanhan Police Action) : शहराच्या महामार्गावरील डोणेकर सभागृह जवळील विजय कॉम्प्लेक्स मध्ये सलग दोन दुकानाचे शटर फोडणाऱ्या दोन विधीसंघर्षग्रस्त बालकास कन्हान पोलीसांनी पकडले. कारवाई दरम्यान एकुण ४ गुन्हे उघडकीस आणुन दोन दुचाकी वाहना सह ८४,१४५ रुपयांचा मुद्देमाल जप्त केला आहे.

माहितीनुसार, फिर्यादी अंकीत विजय कालरा वय ३८ वर्ष रा. जवाहर नगर स्टेट बँकचे मागे (Kanhan Police Action) कन्हान यांनी रिपोर्ट दिली की, विजय कॉम्प्लेक्स अँक्सीस एटीएम चे बाजुला अशोक नगर कन्हान येथे दुध डेअरीची दुकान आणि दुकानाचे बाजुला ७ नंबर चे दुकान सिरील पॉल ची फिशपॉट या दोन दुकानाचे शटर वाकवुन अज्ञान चोरट्यांनी दोन्ही दुकानातुन एकुण ८७५०/- रूपयांचा मुद्देमाल चोरून नेला आहे. अश्या फिर्यादीच्या तक्रारीवरून कन्हान पोलीसांनी अज्ञात आरोपी विरुद्ध कलम ३०३(२), ३३१(४), ३(५) भा.न्या.सं. अन्वये गुन्हा नोंद करण्यात आला.

नागपुर ग्रामीण पोलीस अधिक्षक मा. हर्ष ए. पोद्दार,  अप्पर पोलीस अधिक्षक अनिल म्हस्के, उपविभागीय पोलीस अधिकारी डॉ. संतोष गायकवाड यांच्या मार्ग दर्शनात कन्हान पोलीस तपास करीत असतांना पहाटे ४ वाजता कन्हान पोली सांना रात्री पेट्रोलींग दरम्यान आंबेडकर चौक येथे दोन विधीसंघर्षग्रस्त बालक हे संशयित रित्या फिरतांना मिळुन आले.

विधीसंघर्षग्रस्त बालक यांना विश्वासात घेवुन त्यांच्याकडे कौशल्यपुर्ण तपास करीत गुन्ह्या संबंधाने विचारपुस केली असता त्यांनी पोलीस स्टेशन कन्हान हद्दीत घरफोडी व नागपुर शहर पोलीस स्टेशन कोराडी, गिट्टीखदान, कपिल नगर परिसरात घरफोडी तसेच मोटर सायकल चोरी केल्याचे कबुल केले. पोली सांनी दोन्ही बालकांना ताब्यात घेऊन त्यांचा जवळुन दोन वेगवेगळ्या कंपनीचे अँड्रॉइड मोबाईल किंमत २०,००० रुपये, २ मोटरसायकल किंमत ५०,००० रू.  एक पेन ड्राईव्ह किंमत ३५० रू. एक कॅनरा बँक चेक किंमत ७०,००० रूपये ने भरलेला, एक अँमेरॉन बॅटरी वारंटी कार्ड, रोख रक्कम १३,७९५ रूपये असा एकुण ८४,१४५/- रूपयांचा मुद्देमाल जप्त करण्यात आला आहे. 

सदरची कारवाई (Kanhan Police Action) नागपुर ग्रामीण पोलीस अधिक्षक मा.हर्ष ए.पोद्दार, अप्पर पोलीस अधिक्षक अनिल म्हस्के, उपविभागीय पोलीस अधिकारी डॉ. संतोष गायकवाड यांच्या मार्गदर्शनात पोलीस निरीक्षक वैजयंती मंडवधरे, पोउपनि एकनाथ राठोड, पोहवा हरिष सोनभद्रे, अमित यादव, पोशि आकाश सिरसाट, पवन भेडारकर, चापोशि वैजनाथ तौडेवार, आशिष बोरकर, राहुल जाधव सह आदि पोलीस कर्मचारी यांनी ही कारवाई यशस्वीरित्या पार पाडली.