Parbhani Farmer Suicide: परभणीत, शेतकरी रामेश्वर काळे यांनी कर्जाच्या ताणामुळे गळफास घेत आत्महत्या केली. या प्रकरणाची नोंद ताडकळस पोलिसात करण्यात आली आहे.
धानोरा काळे येथील घटना; ताडकळस पोलिसात नोंद
ताडकळस (Parbhani Farmer Suicide) : शेतातील नापिकी आणि बँकेचे कर्ज कसे फेडावे, या विवंचनेत एका ३० वर्षीय तरुण शेतकर्याने दोरीच्या सहाय्याने गळफास घेत आत्महत्या केली. ही घटना पूर्णा तालुक्यातील धानोरा काळे येथे घडली. सदर प्रकरणी १० मे रोजी ताडकळस पोलीस ठाण्यात नोंद करण्यात आली आहे.
परमेश्वर काळे यांनी खबर दिली आहे. रामेश्वर किशनराव काळे वय ३० वर्ष, असे मयत शेतकर्याचे नाव आहे. रामेश्वर काळे याने बँकेचे कर्ज कसे फेडावे, या ताणतणावात धानोरा काळे येथे आपल्या घरी लोखंडी पाईपला दोरीच्या सहाय्याने गळफास घेत (Parbhani Farmer Suicide) आत्महत्या केली. सदर प्रकरणी ताडकळस पोलिसात नोंद करण्यात आली असून प्रकरणाचा तपास पोह. हिंगे करत आहेत.
चक्कर येऊन पडल्याने मृत्यू
गंगाखेड : चक्कर येऊन घराच्या अंगणात पडलेल्या इसमाच्या डोक्याला गंभीर दुखापत झाल्याने उपचारासाठी रुग्णालयात दाखल करण्यात आले. सदर इसमाचा मृत्यू झाला. ही घटना गंगाखेड तालुक्यातील दगडवाडी येथे घडली. उत्तम कंठीराम राठोड वय ४५ वर्ष, असे मयताचे नाव आहे. सदर प्रकरणी पिराजी राठोड यांच्या खबरीवरुन गंगाखेड पोलिसात अकस्मात मृत्युची नोंद करण्यात आली आहे. तपास पोह. जाधव करत आहेत.