16 तासांच्या बचावकार्यानंतर ढिगाऱ्यातून मृतदेह बाहेर;
अनधिकृत बांधकामाच्या संशयाने प्रशासनाच्या कारभारावर प्रश्नचिन्ह
नवी दिल्ली(Delhi Building Disaster) : दिल्लीतील सत्या निकेतन परिसरात रविवारी दुपारी पाच मजली इमारत अचानक कोसळल्याची धक्कादायक घटना घडली. या इमारतीचा वापर खासगी विद्यार्थी वसतिगृहासाठी केला जात होता. दुर्घटनेत आतापर्यंत सात जणांचा मृत्यू झाला असून काही जण जखमी झाल्याची माहिती आहे.
घटना घडल्यानंतर ढिगाऱ्याखाली अडकलेल्या नागरिकांचा शोध घेण्यासाठी बचावकार्य तातडीने सुरू करण्यात आले. राष्ट्रीय आपत्ती प्रतिसाद दलासह विविध बचाव पथकांनी रात्रभर ढिगारा हटवून शोधमोहीम राबवली. सुमारे 16 तासांच्या बचावकार्यानंतर सोमवारी पहाटे तीनच्या सुमारास आणखी एका व्यक्तीचा मृतदेह ढिगाऱ्यातून बाहेर काढण्यात आला. त्यामुळे मृतांचा आकडा सातवर पोहोचला.
बांधकाम नियमांच्या उल्लंघनाचा संशय
सुमारे 50 वर्षे जुनी असलेल्या या इमारतीच्या बांधकामाबाबत आता प्रश्न उपस्थित होत आहेत. इमारतीत अतिरिक्त मजले उभारण्यात आल्याचे तसेच काही भागात अनधिकृत बांधकाम आणि दुरुस्तीची कामे झाल्याचा संशय आहे. तसेच इमारतीमध्ये आपत्कालीन परिस्थितीत बाहेर पडण्यासाठी आवश्यक मार्गाची व्यवस्था होती का, याचाही तपास सुरू आहे.
THE BUILDING COLLAPSED IN JUST SECONDS... 😨
— Cockroach Janta party (@IAMVICKYFANS) September 7, 2026
📱A normal afternoon in a crowded Delhi student neighborhood suddenly turns terrifying as a multi-storey PG building begins showing subtle signs of structural failure.Tiny pieces of concrete fall first.
Then cracks spread across the… pic.twitter.com/uA6P7UUjrm
स्थानिक नागरिक धावले मदतीला
इमारत कोसळल्यानंतर परिसरात मोठी खळबळ उडाली. घटनास्थळी मोठ्या प्रमाणात धुळीचे लोट पसरले होते. (Delhi Building Disaster) बचाव पथके घटनास्थळी दाखल झाल्यानंतर ढिगारा हटवण्याचे काम युद्धपातळीवर सुरू करण्यात आले. दरम्यान, स्थानिक नागरिक आणि विद्यार्थ्यांनीही बचावकार्यात मदत केली.
मालक आणि संबंधित अधिकाऱ्यांची चौकशी
या (Delhi Building Disaster) दुर्घटनेप्रकरणी इमारतीचा मालक तसेच संबंधित अधिकाऱ्यांची भूमिका तपासली जात आहे. अनधिकृत बांधकाम किंवा सुरक्षा नियमांचे उल्लंघन आढळल्यास संबंधितांवर कठोर कारवाई होण्याची शक्यता आहे. या दुर्घटनेनंतर दिल्लीतील जुन्या आणि धोकादायक इमारतींच्या सुरक्षिततेचा प्रश्न पुन्हा ऐरणीवर आला आहे. अशा इमारतींची नियमित तपासणी तसेच बांधकाम नियमांची कठोर अंमलबजावणी करण्याची गरज अधोरेखित झाली आहे.
