Zhambare Palace

झांबरे पॅलेसच्या सुनेने आयुष्य संपवलं; नातेवाईकांचा संताप; १५ ते २० जणांचा जमाव आक्रमक

पुण्यात पायल पवार झांबरे यांच्या मृत्यूनंतर झांबरे पॅलेसमध्ये तोडफोड. महर्षी नगर आणि मुकुंद नगर परिसरात पोलिसांचा बंदोबस्त.

झांबरे पॅलेसच्या सुनेने आयुष्य संपवलं; नातेवाईकांचा संताप; १५ ते २० जणांचा जमाव आक्रमक

मुकुंद नगरमधील पायल पवार झांबरे यांच्या मृत्यूने खळबळ; महर्षी नगर येथील झांबरे पॅलेस कार्यालयाची तोडफोड, परिसरात पोलिसांचा मोठा बंदोबस्त

पुण्यातील मुकुंद नगर परिसरात २९ वर्षीय विवाहित महिला पायल पवार झांबरे यांच्या मृत्यूची घटना समोर आल्यानंतर शहरात तणावाचे वातावरण निर्माण झाले आहे. या घटनेनंतर संतप्त झालेल्या नातेवाईकांनी महर्षी नगर येथील प्रसिद्ध झांबरे पॅलेस कार्यालयात धुडगूस घालत तोडफोड केली. सोमवारी दुपारी घडलेल्या या प्रकारामुळे परिसरात एकच खळबळ उडाली असून परिस्थिती नियंत्रणात ठेवण्यासाठी पोलिसांना बंदोबस्त वाढवावा लागला आहे.

प्राथमिक माहितीनुसार, पायल पवार झांबरे यांनी मुकुंद नगर येथील राहत्या घरी आत्महत्या केली. त्या पुण्यातील प्रसिद्ध झांबरे पॅलेसच्या मालक कुटुंबातील सून असल्याचे समजते. त्यांच्या मृत्यूमागे कौटुंबिक वाद कारणीभूत असण्याची शक्यता व्यक्त केली जात आहे. मात्र, या घटनेचे नेमके कारण अद्याप स्पष्ट झालेले नाही.

मृत्यूच्या घटनेनंतर नातेवाईकांचा संताप

पायल यांच्या मृत्यूची माहिती समोर आल्यानंतर माहेरच्या मंडळींसह नातेवाईकांमध्ये संतापाची भावना निर्माण झाली. त्यानंतर सोमवारी दुपारी सुमारे २ वाजण्याच्या सुमारास १५ ते २० जणांचा जमाव महर्षी नगर येथील झांबरे पॅलेस कार्यालयात दाखल झाला. यावेळी कार्यालयातील साहित्याची तोडफोड करण्यात आली.

झांबरे पॅलेस हे पुण्यातील प्रसिद्ध मंगल कार्यालय असून, येथे लग्नसमारंभांसह विविध मोठ्या कार्यक्रमांचे आयोजन केले जाते. अशा प्रसिद्ध ठिकाणी भरदिवसा झालेल्या तोडफोडीमुळे परिसरातील नागरिकांमध्ये भीतीचे वातावरण निर्माण झाले.

पोलिसांकडून परिस्थितीवर नियंत्रण

घटनेची माहिती मिळताच पोलिसांनी तातडीने घटनास्थळी धाव घेतली. संभाव्य तणाव लक्षात घेऊन झांबरे पॅलेस आणि मुकुंद नगर परिसरात अतिरिक्त पोलीस बंदोबस्त तैनात करण्यात आला आहे.

दरम्यान, पायल पवार झांबरे यांच्या मृत्यूचे नेमके कारण काय, याचा तपास सुरू असून, या घटनेनंतर झालेल्या तोडफोडीच्या प्रकाराचीही पोलीस दखल घेत आहेत. या प्रकरणातील पुढील तपास आणि पोलीस कारवाईकडे लक्ष लागले आहे.

संबंधित सामग्री

दिव्या देशमुख, तेजस्विन शंकर यांचा अर्जुन पुरस्काराने गौरव!

दिव्या देशमुख, तेजस्विन शंकर यांचा अर्जुन पुरस्काराने गौरव!

National Sports Awards: राष्ट्रकुल क्रीडा स्पर्धेत डेकॅथलॉन प्रकारात कांस्यपदक जिंकून ऐतिहासिक कामगिरी केली होती. या प्रकारात राष्ट्रकुल स्पर्धेत पदक मिळवणारा तो पहिला भारतीय खेळाडू ठरला होता.

Nov 13, 2026
अमूल-मदर डेअरीनंतर आता गोकुळचे दूधही महागणार

अमूल-मदर डेअरीनंतर आता गोकुळचे दूधही महागणार

अमूल आणि मदर डेअरीनंतर आता गोकुळचे दूधही महागणार? चेअरमन राजेश पाटील यांचे संकेत; शनिवारी नव्या दरांबाबत निर्णय होण्याची शक्यता.

Nov 13, 2026
अरविंद केजरीवाल यांना जीवे मारण्याची धमकी; 7 कोटींच्या खंडणीची मागणी

अरविंद केजरीवाल यांना जीवे मारण्याची धमकी; 7 कोटींच्या खंडणीची मागणी

Threat to Arvind Kejriwal: दिल्लीचे माजी मुख्यमंत्री आणि आम आदमी पक्षाचे राष्ट्रीय संयोजक अरविंद केजरीवाल तसेच त्यांच्या मुलीला जीवे मारण्याची धमकी देत सात कोटी रुपयांची खंडणी मागण्यात आल्याचा प्रकार

Nov 12, 2026
महाराष्ट्राच्या ईराची जागतिक भरारी! 10व्या वर्षी केले सहा विश्वविक्रम

महाराष्ट्राच्या ईराची जागतिक भरारी! 10व्या वर्षी केले सहा विश्वविक्रम

Ira’s Global Ascent: महाराष्ट्रातील बुलढाणा येथील अवघ्या 10 वर्षीय ईरा आदित्य राऊत हिने स्कूबा डायव्हिंगच्या क्षेत्रात उल्लेखनीय कामगिरी करत एका दिवसात सहा जागतिक विक्रम नोंदवले आहेत.

Nov 12, 2026
मुंबईत भरदिवसा गोळीबाराने खळबळ! कुर्ल्यात तरुणावर तीन गोळ्या झाडल्या

मुंबईत भरदिवसा गोळीबाराने खळबळ! कुर्ल्यात तरुणावर तीन गोळ्या झाडल्या

मुंबईच्या कुर्ल्यात भरदिवसा गोळीबार! हलाव पुलाजवळ विनोद पवार यांच्यावर तीन गोळ्या झाडल्या. प्रकृती गंभीर; पोलिसांकडून आरोपींचा शोध सुरू.

Nov 11, 2026