गणेशोत्सवातील डीजे, मराठी भाषा आणि ‘हनुमान अंश’च्या यशावर अभिनेत्याने मांडले मत
गणेशोत्सवाच्या पार्श्वभूमीवर डीजेच्या वापराचा मुद्दा पुन्हा चर्चेच्या केंद्रस्थानी आला आहे. उत्सवातील मिरवणुका आणि जल्लोष एका बाजूला असताना ध्वनिप्रदूषण, नागरिकांच्या आरोग्यावर होणारा परिणाम तसेच कायद्याचे पालन यावरून दुसऱ्या बाजूला चिंता व्यक्त केली जात आहे. डीजे बंदीच्या मागणीमुळे या विषयाला राजकीय रंगही चढला आहे. याच पार्श्वभूमीवर मराठी आणि बॉलिवूड अभिनेता श्रेयस तळपदे यांनी आपली भूमिका स्पष्ट केली.
श्रेयस तळपदे यांनी सण साजरे करण्याला विरोध नसल्याचे सांगत उत्सव साजरा करताना इतर नागरिकांना त्याचा त्रास होणार नाही, याची काळजी घेणे गरजेचे असल्याचे मत व्यक्त केले. आपल्या सणांची स्वतंत्र ओळख आणि त्यामागचे गांभीर्य समजून घेत उत्सव साजरे केले पाहिजेत, असे त्यांनी सांगितले.
#WATCH | Nagpur, Maharashtra | On VHP's call to bar Muslims from Navratri event, Film Actor Shreyas Talpade says, "We have been enjoying all festivals together for so many years... I have always enjoyed every festival to the fullest, and I will continue to do so."
— ANI (@ANI) September 9, 2026
On demands to… pic.twitter.com/pQb0GvxaFc
महाराष्ट्रातील मराठी भाषेच्या सक्तीच्या मुद्द्यावरही श्रेयस तळपदे यांनी भाष्य केले. मुंबईपुरते मर्यादित न राहता महाराष्ट्रात मराठी बोलण्यात अडचण काय आहे, असा सवाल त्यांनी उपस्थित केला. आपण ज्या ठिकाणी राहतो आणि काम करतो, त्या ठिकाणची भाषा शिकण्यात काहीही गैर नसल्याचे त्यांनी सांगितले.
आपल्या अनुभवाचा दाखला देताना श्रेयस तळपदे यांनी ‘इकबाल’ चित्रपटाच्या शूटिंगदरम्यान हैदराबादमध्ये असताना आपण थोडी-थोडी तेलुगू भाषा शिकल्याचे नमूद केले. त्यामुळे स्थानिक भाषा शिकण्याकडे सकारात्मक दृष्टिकोनातून पाहिले पाहिजे, असे त्यांचे म्हणणे आहे.
दरम्यान, सध्या बॉक्स ऑफिसवर ‘हनुमान अंश’ चित्रपटाची जोरदार चर्चा सुरू आहे. या चित्रपटाच्या यशाबाबत बोलताना श्रेयस तळपदे यांनी प्रेक्षकांच्या मनाला भिडणारी कथा असेल, तर चित्रपटाला चांगला प्रतिसाद मिळतो, असे मत व्यक्त केले.
Nagpur, Maharashtra: Actor Shreyas Talpade says, "A story should touch people's hearts. When a story touches people's hearts, it can do exceptionally well at the box office. I think 'Hanuman Ansh' is also a story that touched people, made them feel connected to it and allowed… pic.twitter.com/uUL4A3lAR4
— IANS (@ians_india) September 9, 2026
‘हनुमान अंश’ची कथा प्रेक्षकांच्या हृदयाला स्पर्श करणारी असल्यामुळे चित्रपट चांगला व्यवसाय करत असल्याचे श्रेयस तळपदे यांनी सांगितले. त्यांच्या मते, चित्रपट चौथ्या आठवड्यातही चांगली कमाई करत आहे. यापूर्वी ‘शोले’बाबतही अशाच प्रकारच्या यशाची चर्चा ऐकायला मिळाली होती, असे सांगत त्यांनी या यशाचे श्रेय ‘बाबांची कृपा’ असल्याचे म्हटले.
