गिरामवाडी शेत शिवारात झन्ना मन्ना जुगारावर छापा

कळमनुरी (Giramwadi Gambling Raid) : तालुक्यातील गिरामवाडी शिवारात सुरू असलेल्या झन्ना मन्ना जुगारावर १ सप्टेंबरला पोलिसांनी छापा मारून १ लाख ७ हजार ६४० रुपयाचा मुद्देमाल जप्त केला. कळमनुरी तालुक्यातील सांडस ते पार्डी मोड रस्त्याच्या एका टिनशेडच्या पाठीमागे १ सप्टेंबरला झन्ना मन्ना जुगार सुरू होता. कळमनुरी पोलिसांनी मारलेल्या छाप्यात १ लाख ७ हजार ६४० रुपयाचा मुुद्देमाल जप्त करण्यात आला.

या (Giramwadi Gambling Raid) प्रकरणी कळमनुरी पोलिस ठाण्यात पोलिस उपनिरीक्षक विकास आडे यांनी दिलेल्या फिर्यादीवरून पांडुरंग विठ्ठल सरकंडे, उत्तम यादवराव सरकुंडे रा. कुंभारवाडी, बालाजी नागोराव कर्जतकर रा. गिरामवाडी, विकास किसन सुतारे रा. सांडस या तिघावर गुन्हा दाखल करण्यात आला. पुढील तपास शेळके हे करीत आहेत. पोलिसांनी तिघांना ताब्यात घेऊन नोटीस देऊन सोडले.