६५०० हजार कुटुंबांना शिधावाटप
औंढा नागनाथ (MLA Santosh Bangar) : येथील कृषी उत्पन्न उपबाजार समिती आवारात राज्याचे उपमुख्यमंत्री एकनाथ शिंदे यांच्या संकल्पनेतून आमदार संतोष बांगर यांच्या वतीने औंढा नागनाथ शहरातील गरजू कुटुंबांना दिवाळीनिमित्त शिधावाटप उपक्रम घेण्यात आला. कळमनुरी विधानसभा मतदारसंघाचे आमदार संतोष बांगर (MLA Santosh Bangar) यांच्या हस्ते दिनांक ५ नोव्हेंबर रोजी ६,५०० कुटुंबांना आनंदाचा शिधा वाटप करण्यात आला.यामध्ये रवा मैदा तांदूळ तेल उठणे साबण साखर यासह इतर सामान याचा समावेश होता.
येथील सहा हजार पाचशे गरजू कुटुंबांना आनंदाचा शिधा किटचे वाटप करण्यात आले. लाडकी बहीण, शेतकरी आणि कष्टकरी बांधवांना दिवाळीचा सण आनंदात व उत्साहात साजरा करता यावा, तसेच त्यांच्या सुख-दुःखात सहभागी होऊन त्यांना आधार द्यावा, या सामाजिक बांधिलकीच्या भावनेतून हा आनंदाचा शिधा उपक्रम राबविला आहे.

याप्रसंगी आमदार संतोष बांगर (MLA Santosh Bangar) माजी आमदार डॉ. संतोष टारफे, युवा जिल्हाप्रमुख राम कदम, श्रीराम दादा बांगर, शिवसेना नेते सुभाषराव बांगर, स्वराज बांगर, नगराध्यक्ष कपिल खंदारे, उपनगराध्यक्ष मनोज देशमुख, शिवसेना तालुकाप्रमुख नगरसेवक साहेबराव देशमुख, माजी सभापती अनिल देशमुख, श्रीराम दादा राठी, शिवसेना नेते राम नागरे, युवासेनेचे विजय देशमुख, नगरसेवक अनिल देव, राहुल दंतवार ,दिलीप राठोड, विष्णू पवार, प्रदीप कनकुटे ,आजू इनामदार, शफी नदाफ,संदीप गोबाडे, प्रदीप गंभीरे, बाळासाहेब ठाकूर ,श्रीनिवास राठी, सुमेध मुळे यशवंत साळवे रक्षक गायकवाड बाबा डांगे यांच्यासह शिवसेनेचे पदाधिकारी व कार्यकर्ते मोठ्या संख्येने उपस्थित होते.