कुरुंदा (Manoj Jarange Patil) : येथील सकल मराठा समाजाच्या वतीने मनोज जरांगे पाटील (Manoj Jarange Patil) यांच्या समर्थनात मराठा आरक्षण आंदोलनाला पाठिंबा देण्यासाठी मोठा प्रतिसाद पाहायला मिळाला.यांच्या समर्थनात कुरुंदा मार्केट कडकडीत बंद ठेवण्यात आले
सकल मराठा समाजाच्या आवाहनाला प्रतिसाद देत कुरुंदा येथील व्यापारी बांधवांनी स्वयंस्फूर्तीने आपली दुकाने बंद ठेवून मराठा आरक्षण आंदोलनाला १०० टक्के पाठिंबा दर्शविला आहे. मुख्य बाजारपेठ, कॉम्प्लेक्स मधील सर्व दुकानांचे शटर सकाळ पासूनच बंद असल्याने मार्केटमध्ये शुकशुकाट पसरला होता.
बंद नंतर कुरुंदा येथून वसमतकडे ट्रॅक्टर मोर्चा काढण्यात आला. ट्रॅक्टरवर भगवे झेंडे लावून निघालेल्या या मोर्चात संपूर्ण रस्ताभर एक मराठा लाख मराठा आणि आरक्षण आमच्या हक्काचे, नाही कुणाच्या बापाचेअशा जोरदार घोषणा देण्यात आल्या.
वसमत मध्ये पोहोचल्यानंतर शहरातील सत्यनारायण टाकी येथून २८८ आमदारांची प्रतीकात्मक पिंड यात्रा काढण्यात आली. तहसील कार्यालय परिसरात (Manoj Jarange Patil) सकल मराठा समाजाच्या वतीने २८८ आमदारांचा प्रतीकात्मक अंत्यविधी व पिंडदान करण्यात आले मराठा आरक्षणावर गप्प बसल्याच्या 288 आमदारांचा निषेधार्थ हे अनोखे आंदोलन करण्यात आले. यावेळी कुरुंदा येथील सकल मराठा समाज बांधव मोठ्या संख्येने उपस्थित होते.
