हैदराबाद येथील सरदार वल्लभभाई पटेल राष्ट्रीय पोलीस अकादमीमध्ये प्रशिक्षण पूर्ण केलेले १२ परिविक्षाधीन आयपीएस अधिकारी लवकरच महाराष्ट्र संवर्गात कार्यभार स्वीकारणार आहेत.
हैदराबाद येथील सरदार वल्लभभाई पटेल राष्ट्रीय पोलीस अकादमीतील प्रशिक्षण पूर्ण; १२ पैकी पाच महिला अधिकाऱ्यांचा समावेश
मुंबई : हैदराबाद येथील सरदार वल्लभभाई पटेल राष्ट्रीय पोलीस अकादमीमध्ये प्रशिक्षण पूर्ण केलेले १२ परिविक्षाधीन आयपीएस अधिकारी लवकरच महाराष्ट्र संवर्गात कार्यभार स्वीकारणार आहेत. राज्याच्या गृह विभागाने या अधिकाऱ्यांच्या नियुक्तीबाबत शासन निर्णय जारी केला असून, ३१ ऑगस्टपासून ते उपविभागीय पोलीस अधिकारी म्हणून सेवेत रुजू होणार आहेत.
नियुक्ती मिळालेल्या अधिकाऱ्यांमध्ये पाच महिला आयपीएस अधिकाऱ्यांचा समावेश आहे. या सर्व अधिकाऱ्यांची रत्नागिरी, यवतमाळ, चंद्रपूर, लातूर, परभणी, वर्धा, गडचिरोली, अमरावती, छत्रपती संभाजीनगर, भंडारा आणि नागपूर जिल्ह्यांतील विविध ठिकाणी पदस्थापना करण्यात आली आहे.
या १२ अधिकाऱ्यांपैकी सहा अधिकारी २०२३ च्या तुकडीतील असून, उर्वरित सहा अधिकारी २०२४ च्या तुकडीतील आहेत.
परिविक्षाधीन आयपीएस अधिकारी आणि पदस्थापना
- अरांक्षा यादव – रत्नागिरी
- गुरव गंगाधर कायांदे पाटील – उमरखेड (यवतमाळ)
- कुमार सुशांत – राजूरा (चंद्रपूर)
- मेघना आय. एन. – लातूर (ग्रामीण)
- राहुल कुमार – परभणी शहर
- राहुल रमेश आत्राम – आर्वी (वर्धा)
- सागर संजय भामरे – भामरागड (गडचिरोली)
- ईशानी आनंद – अचलपूर (अमरावती)
- जान्हवी बाळासाहेब शेखर – गंगापूर (छत्रपती संभाजीनगर)
- सारदा तेजस सुदिप – भंडारा
- शशांत एन. एम. – कामठी (नागपूर ग्रामीण)
- सुयश कुमार सिंग – धानोरा (गडचिरोली)
हैदराबाद येथील प्रशिक्षण पूर्ण केल्यानंतर या सर्व परिविक्षाधीन अधिकाऱ्यांना महाराष्ट्रात जबाबदारी देण्यात आली आहे. गृह विभागाच्या आदेशानुसार ३१ ऑगस्टपासून संबंधित अधिकारी आपल्या नियुक्तीच्या ठिकाणी उपविभागीय पोलीस अधिकारी म्हणून रुजू होणार आहेत.