जाम गव्हाण शिवारात जुगार अड्ड्यावर छापा; ९६ हजार रुपयांचा मुद्देमाल जप्त

दोघांना ताब्यात घेतले, पाचजण पोलीसांना बघून पसार 

आखाडा बाळापूर (Jam Gavhan Gambling Raid) :  कळमनुरी तालुक्यातील जामगव्हाण शिवारात खदाना जवळ मोकळ्या जागेत सुरू असलेल्या जुगार अड्ड्यावर पोलिसांनी छापा टाकला यात दोघेजण हाती लागले तर पाचजण पोलीसांना बघून पसार झाले.याबाबत २० ऑगस्ट रोजी रात्री उशिरा आखाडा बाळापूर पोलिस स्थानकात गुन्हा दाखल करण्यात आला.

याबाबत मिळालेल्या माहितीनुसार २०ऑगस्ट रोजी सायंकाळी स्थानिक गुन्हे अन्वेषण शाखेचे पोलीस कर्मचारी हरिभाऊ गुंजकर व भुजंग कोकरे पथकाने जामगव्हाण खदान जवळ मोकळ्या जागेत छापा टाकला यावेळी जुगार साहित्य, मोबाईल, दुचाकी ,रोख रक्कम असे ९६ हजार ४०० रुपये मुद्देमाल जप्त करून पोलिस कर्मचारी हरिभाऊ गुंजकर फिर्यादीवरून आखाडा बाळापूर पोलिस स्थानकात आकाश उत्तमराव जाधव, जगदीश बन्सी राठोड व इतर पाच जणांविरुद्ध गुन्हा दाखल करण्यात आला.पुढील तपास पोलीस निरीक्षक शरद मरे मार्गदर्शनाखाली बिट प्रमुख संतोष नागरगोजे हे करत आहेत.

पोलिस पथकाने घटनास्थळी धाव घेतली असता (Jam Gavhan Gambling Raid) पोलिसांना बघून जुगार अड्ड्यावरून पाच जण पसार झाले तर दोघांना पोलिसांनी ताब्यात घेतलं समजपत्र देऊन सोडण्यात आले.पसार झालेल्या पाचजणांचा पोलीस शोध घेत आहेत.