Limbala Turmeric Theft: शहराजवळील लिंबाळा मक्ता भागातील माऊली अॅग्रो प्रोड्युसर कंपनीच्या गोदामाचे शटरचा पत्रा वाकवून सव्वादोन लाख रुपयाचे हळदीचे ३० कट्टे चोरून नेल्याने गुन्हा नोंदविण्यात आला.
हिंगोली (Limbala Turmeric Theft) : शहराजवळील लिंबाळा मक्ता भागातील माऊली अॅग्रो प्रोड्युसर कंपनीच्या गोदामाचे शटरचा पत्रा वाकवून सव्वादोन लाख रुपयाचे हळदीचे ३० कट्टे चोरून नेल्याने गुन्हा नोंदविण्यात आला.
या बाबत पोलिस सुत्राकडून मिळालेली माहिती अशी की, वसमत तालुक्यातील पांगरा शिंदे येथील भुसार व्यापारी दत्तराव शिंदे यांची माऊली अॅग्रो फार्मर प्रोड्युसर कंपनी असून त्या ठिकाणी शेती माल करण्यात येतो. लिंबाळा मक्ता शिवारात त्यांचा गोदाम असल्याने हळदीसह इतर शेतीमाल गोदामात ठेवला जातो. २३ ते २४ ऑगस्ट दरम्यानच्या कालावधीत कोणीतरी अज्ञात चोरट्याने गोदामाचे शटर वाकवून त्यामधील २ लाख २५ हजार रुपयाचे हळदीचे १ क्विंटलचे ३० कट्टे चोरून नेले. २४ ऑगस्टला शिंदे हे गोदामाकडे आले असता त्यांना गोदामाचे शटर उघडले दिसून आले. आतमध्ये पाहणी केल्यानंतर हळदीचे कट्टे चोरीस गेल्याचे दिसून आले.
या बाबत हिंगोली ग्रामीण पोलिसांना माहिती दिल्यानंतर पोलिस निरीक्षक विष्णुकांत गुठ्ठे यांच्यासह पोलिस उपनिरीक्षक राहूल घुले, जमादार असलम गारवे, सुधीर ढेंबरे यांनी घटनास्थळी जावून पाहणी केली. या प्रकरणात शिंदे यांनी हिंगोली ग्रामीण पोलिसात दिलेल्या तक्रारीवरून अज्ञात चोरट्यावर गुन्हा दाखल करण्यात आला. पुढील तपास पोलिस उपनिरीक्षक राहूल घुले हे करीत आहेत.