उधारीच्या पैशावरून मारहाण करून हॉटेलमध्ये तोडफोड

हिंगोली शहरातील रिसाला बाजार भागातील घटना

हिंगोली (Hingoli Crime Case) : हॉटेलच्या उधारीचे पैसे मागितल्याच्या कारणातून एका हॉटेल व्यवसायिकाला मारहाण करून हॉटेलचे साहित्य तोडफोड करून नुकसान केल्याने हिंगोली शहर पोलिसात चौघावर कारवाई करण्यात आली आहे. 

याबाबत पोलिस सुत्रांनी दिलेली माहिती अशी की, हिंगोली शहरातील सावरकर नगर भागातील राकेश पुरन शर्मा या हॉटेल व्यवसायीकाला २९ ऑगस्ट रोजी रात्री ८ च्या सुमारास रिसाला बाजारातील बालाजी टी हाऊस समोर हॉटेलचे उधारीचे पैसे का मागितले या कारणावरून शिवीगाळ करून थापड बुक्याने मारहाण केली. यानंतर राकेश शर्मा यांच्या हॉटेलच्या काउंटरवरील काच, टेबल, खुर्च्या तोडून १५ ते १७ हजार रुपयाचे नुकसान करून जीवे मारण्याची धमकी दिल्याने (Hingoli Crime Case) हिंगोली शहर पोलिसात दिलेल्या फिर्यादीवरून समर्थ जोहर रा. विद्यानगर हिंगोली याच्यासह त्याच्या इतर तीन मित्रांवर कारवाई करण्यात आली. पुढील तपास एच.बी. शेख हे करीत आहेत.