DJ Mukta Ganesha immersion: कळमनुरी पोलीस ठाण्याच्या हद्दीत यंदा १०९ गणपतींची, तर कळमनुरी शहरात २७ गणपतींची प्रतिष्ठापना करण्यात आली आहे. तसेच तालुक्यातील २० गावांमध्ये ‘एक गाव, एक गणपती’
कळमनुरी (DJ Mukta Ganesha immersion) : कळमनुरी पोलीस ठाण्याच्या हद्दीत यंदा १०९ गणपतींची, तर कळमनुरी शहरात २७ गणपतींची प्रतिष्ठापना करण्यात आली आहे. तसेच तालुक्यातील २० गावांमध्ये ‘एक गाव, एक गणपती’ ही संकल्पना राबविण्यात आली आहे. गणेशोत्सवाच्या पार्श्वभूमीवर गणेश विसर्जन मिरवणुका शांततेत आणि उत्साहपूर्ण वातावरणात पार पडाव्यात, यासाठी पोलिस प्रशासनाकडून विविध सूचना करण्यात आल्या आहेत.
गणपती विसर्जन मिरवणुकीदरम्यान डीजेचा वापर टाळून पारंपरिक वाद्यांच्या गजरात मिरवणूक काढावी, असे आवाहन पोलीस उपअधीक्षक मयूर रसाळ यांनी केले आहे. गणेशोत्सव हा श्रद्धा, भक्ती आणि सामाजिक एकोप्याचा उत्सव असल्याने मिरवणुकीत ध्वनिप्रदूषण होणार नाही, याची दक्षता मंडळांनी घ्यावी
शांतता व सलोखा अबाधित ठेवण्याचे सर्वांनी प्रयत्न करावे
गणेश विसर्जन मिरवणुकीदरम्यान सर्व समाजातील नागरिकांनी शांतता, सामाजिक सलोखा आणि बंधुभाव कायम ठेवावा, असे आवाहन पोलीस उपअधीक्षक मयूर रसाळ यांनी केले. गणेश मंडळांनी मिरवणुकीचे नियोजन करताना पोलिसांनी दिलेल्या सूचनांचे पालन करावे आणि गणेश विसर्जन शांततेत व शिस्तबद्ध पद्धतीने पार पाडावे, असे त्यांनी स्पष्ट केले.
‘भक्तीचा उत्सव भक्तिभावाने साजरा करूया, डीजेचा दणदणाट टाळून पारंपरिक वाद्यांच्या गजरात गणरायाला निरोप देऊया,’ असा संदेश पोलिस प्रशासनाकडून देण्यात आला आहे.