ढोणी येथील महिला पुरुषांचा दारूबंदीसाठी एल्गार!

मानोरा (Dhoni Liquor Ban) : तालुक्यातील ढोणी  येथे गेल्या बऱ्याच वर्षापासून अवैध धंदे जोरात चालू आहेत   हे अवैध धंदे बंद करावे, यासाठी महिला पुरुष मंडळींनी आसेगाव पो. स्टे.ला  धडक देत सहाय्यक पोलीस उपनिरीक्षक रामकृष्ण भाकडे यांना लेखी निवेदन सादर केले आहे. 

सविस्तर असे की, ढोणी येथे गेल्या कित्येक वर्षापासून अवैध धंदे चालू असल्यामुळे येथील सुव्यवस्था कोलमडली असून या (Dhoni Liquor Ban) अवैध धंद्याचा परिणाम नवीन पिढीवर दिवसेंदिवस होत आहे. बरेचसे काही कुटुंब या (Dhoni Liquor Ban) अवैध धंद्यामुळे उध्वस्त सुद्धा झाले आहे, याचा परिणाम शाळकरी मुलावर सुद्धा होत असल्याचे दिसून येत आहे, यापुढे कुटुंब उद्ध्वस्त होऊ नये या उद्देशाने येथील महिलांनी सभा घेऊन या सभेत दारूबंदी व इतर अवैध धंदे बंद करणे विषयी ठराव घेतला असुन आता गावात अवैध धंदे चालू देणार नाही आणि कुटुंब उध्वस्त होऊ देणार नाही. असा चंग बांधला आहे.  

यासाठी आम्हाला पोलिसांनीही सहकार्य करावे, या मागणीसाठी आसेगाव पोलीस स्टेशनचे पोलीस  उपनिरीक्षक रामकृष्ण भाकडे यांना निवेदन देऊन सविस्तरपणे त्यांच्यासोबत (Dhoni Liquor Ban) अवैध धंद्या विषयी चर्चा सुद्धा केली. यावेळी पीएसआय भाकडे यांनी सुद्धा जो कोणी अवैध धंदे चालवेल, गावठी हातभट्टी काढेल, अशी त्याची माहिती पोलीस प्रशासनाला द्यावी, आम्ही नक्कीच त्याचा बंदोबस्त व त्यांच्यावर कारवाई करू असे आश्वासन व इतर माहिती सुद्धा त्यांनी यावेळी दिली.

निवेदनावर राजेश व्यवहारे (पो.पा.), परसराम ढंगारे, गजानन नाटकर, गजानन शेळके, अरविंद ठाकरे, जिनकर चरखे, रेणुका ढगे, अनिता व्यवहारे, वंदना चिरंगे,  शारदाबाई तडसे, भाग्यश्री ठाकरे, मिराबाई नाटकर, लक्ष्मीबाई वाघमारे, अर्चना गिराटकर, व इतर महिला पुरुषांच्या शेकडो स्वाक्षऱ्या आहेत.