पार्सल उतरवताना झाला स्फोट; पोलीस आणि फॉरेन्सिक पथक घटनास्थळी दाखल, स्फोटाचे कारण अद्याप अस्पष्ट
कुरिअरच्या माध्यमातून नेमकं काय पाठवलं जात होतं? लातूरमध्ये घडलेल्या एका स्फोटाच्या घटनेने अनेक प्रश्न उपस्थित केले आहेत. कुरिअर वाहनातून पार्सल खाली उतरवण्याची प्रक्रिया सुरू असतानाच अचानक मोठा स्फोट झाला. या दुर्घटनेत एक व्यक्ती गंभीर जखमी झाली असून त्याची प्रकृती चिंताजनक असल्याची माहिती आहे. विशेष म्हणजे, स्फोट झालेल्या कुरिअर वाहनात एक बंदूकही आढळून आल्याने या प्रकरणाचे गांभीर्य वाढले आहे.
प्राथमिक माहितीनुसार, कुरिअरच्या गाडीतून पार्सल बाहेर काढले जात असताना अचानक स्फोट झाला. या स्फोटाची तीव्रता लक्षात घेता पार्सलमध्ये काही स्फोटक पदार्थ होते का, असा संशय व्यक्त केला जात आहे. मात्र, पार्सलमध्ये नेमकं काय होतं आणि स्फोट कशामुळे झाला, हे अद्याप स्पष्ट झालेले नाही.
Latur - A powerful explosion rocked Latur city when a box was being unloaded from a courier vehicle on Vilasrao Deshmukh Marg. The blast left a courier employee seriously injured. CCTV footage of the incident shows the box being taken down from the vehicle when a sudden, loud explosion occurred. Courier staffer sustained critical injuries and was rushed to hospital. His condition is described as serious. Latur police, the bomb disposal squad and forensic teams reached the spot soon after the incident and have begun a joint investigation to determine the cause of the blast. Preliminary reports indicate that the explosion took place while the parcel was being unloaded, raising questions about whether explosive material may have been inside the package.
— NextMinute News (@nextminutenews7) October 31, 2026
घटनेची माहिती मिळताच लातूर पोलिसांनी तातडीने घटनास्थळी धाव घेतली. त्यांच्यासोबत फॉरेन्सिक पथकही दाखल झाले असून घटनास्थळाची पाहणी आणि पुरावे गोळा करण्याचे काम सुरू आहे. स्फोटामागील नेमकं कारण शोधण्यासाठी तपासाची चक्रे वेगाने फिरवली जात आहेत.
दरम्यान, कुरिअर वाहनामध्ये बंदूक सापडल्याने तपासाला आणखी महत्त्व प्राप्त झाले आहे. ही बंदूक कोणाची आहे, ती वाहनात कशी आली आणि तिचा कुरिअर पार्सलशी काही संबंध आहे का, असे प्रश्न उपस्थित होत आहेत. बंदूक पार्सलमधून पाठवली जात होती की ती अन्य कोणाची होती, याबाबत अद्याप पोलिसांकडून अधिकृत माहिती देण्यात आलेली नाही.
या दुर्घटनेत जखमी झालेल्या व्यक्तीला पोलिसांनी उपचारासाठी रुग्णालयात दाखल केले आहे. त्याची प्रकृती गंभीर असल्याचे समजते. स्फोटाचे कारण, बंदुकीचे रहस्य आणि पार्सलमधील वस्तू यांचा उलगडा पोलीस तपासानंतरच होणार आहे. त्यामुळे लातूरमधील या घटनेने परिसरात मोठी खळबळ उडाली आहे.