Aditi Tai Pohare

शिक्षकांच्या प्रश्नांसाठी प्रा. अदितीताई पोहरेंना विजयी करा; युवा नेते ॲड. ज्ञायक पाटणी यांचे आवाहन

मानोरा तालुक्यात प्रा. अदितीताई पोहरे यांच्या प्रचाराला वेग. शिक्षकांच्या प्रलंबित प्रश्नांसाठी त्यांना विजयी करण्याचे आवाहन युवा नेते ॲड. ज्ञायक पाटणी यांनी केले.

शिक्षकांच्या प्रश्नांसाठी प्रा. अदितीताई पोहरेंना विजयी करा; युवा नेते ॲड. ज्ञायक पाटणी यांचे आवाहन

मानोरा : शिक्षण क्षेत्र मोडकळीस आणण्याचे षड्यंत्र सत्ताधारी पक्ष करत आहेत. गेल्या अनेक वर्षांपासून प्रलंबित असलेल्या शिक्षकांच्या समस्या दूर करण्यासाठी सरकारला वेळ नाही. शिक्षकांच्या प्रश्नांसाठी जाब विचारणारे आमदार विधान परिषदेत असणे ही आजच्या काळाची गरज आहे. त्यामुळे उच्चविद्याविभूषित प्रा. अदितीताई ऋषिकेश पोहरे यांना निवडून आणा, असे आवाहन राष्ट्रवादी काँग्रेस शरद पवार पक्षाचे युवा नेते ॲड. ज्ञायक पाटणी यांनी केले.

१७ ऑक्टोबर रोजी सुलेमान उर्दू हायस्कूलसह विविध ठिकाणी पार पडलेल्या शिक्षक संवाद बैठकीत ते बोलत होते.

अमरावती विभाग शिक्षक मतदारसंघाच्या निवडणुकीत भारतीय राष्ट्रीय काँग्रेस पक्षाकडून निवडणूक लढविणाऱ्या प्रा. अदितीताई पोहरे यांच्या प्रचारार्थ युवा नेते ॲड. ज्ञायक पाटणी यांच्या नेतृत्वाखाली राष्ट्रवादी काँग्रेस शरद पवार पक्षाच्या पदाधिकारी व कार्यकर्त्यांनी शहरासह तालुक्यात झंझावाती प्रचार दौरा केला.

या दौऱ्यात भुली, वाईगोल, शिवणी, विळेगाव आदी गावांतील दहा ते बारा शाळांना भेटी देऊन शिक्षकांशी संवाद साधण्यात आला. प्रचारासाठी भेट देणाऱ्या पदाधिकारी व कार्यकर्त्यांचे प्रत्येक शाळेत शब्दसुमनांनी स्वागत करण्यात आले. यावेळी प्रत्येक शाळेतील शिक्षकांनी प्रा. अदितीताई यांच्या उमेदवारीला उत्स्फूर्त प्रतिसाद दिला.

शिक्षकांच्या प्रश्नांसाठी विधान परिषदेत सक्षम नेतृत्वाची गरज

ॲड. ज्ञायक पाटणी पुढे म्हणाले की, शिक्षकांच्या जुन्या पेन्शनचा प्रश्न निकाली निघाल्याशिवाय आमदारकीची पेन्शन घेणार नाही, अशी घोषणा करून निवडणुकीच्या रिंगणात उतरलेल्या प्राध्यापक अदिती पोहरे या एकमेव उमेदवार आहेत. गेल्या १७ वर्षांपासून त्या शिक्षण क्षेत्रात कार्यरत असल्याने शिक्षकांच्या प्रलंबित प्रश्नांची त्यांना पूर्ण जाणीव आहे. त्या विधान परिषदेत आपल्या कामाचा नक्कीच ठसा उमटवतील. त्यामुळे त्यांना प्रथम क्रमांकाचे पसंतीचे मत देऊन विजयी करा, असे आवाहन त्यांनी केले.

शिक्षकांच्या हक्कांसाठी सक्षम नेतृत्व निवडा

शिक्षक नेते तथा हलीमा एज्युकेशन संस्था सोसायटीचे सचिव इफ्तेखार पटेल म्हणाले की, शिक्षकांच्या हक्कांसाठी सभागृहात सक्षम नेतृत्वाची गरज आहे. त्यामुळे प्रा. अदितीताई पोहरे यांना निवडून द्यावे.

यावेळी राष्ट्रवादी काँग्रेस शरद पवार पक्षाचे ज्येष्ठ नेते प्रकाश राठोड, शरद हांडे, मुख्याध्यापक नईम अहमद खान, शिक्षक फरोक अहमद, रहमद खान, शहजाद खान, नवाज खान, अलकमश, गजनफर हुसेन, महम्मद अतिक, सैयद अहमद, मुसद्दीन अहमद यांच्यासह बहुसंख्य कार्यकर्ते उपस्थित होते.

संबंधित सामग्री

मानोऱ्याच्या शेंदुरजना आढावमध्ये मटका जुगाराचा सुळसुळाट? तरुण पिढी धोक्यात; कारवाईची मागणी

मानोऱ्याच्या शेंदुरजना आढावमध्ये मटका जुगाराचा सुळसुळाट? तरुण पिढी धोक्यात; कारवाईची मागणी

मानोऱ्याच्या शेंदुरजना आढावमध्ये कथित मटका जुगाराचा सुळसुळाट? तरुण पिढी धोक्यात असल्याची चिंता; पोलीस प्रशासनाकडे नागरिकांची कठोर कारवाईची मागणी.

Nov 05, 2026
पोहरादेवीत आज वसुबारसच्या मुहूर्तावर भव्य गोदान महासोहळा; १ लाख २५ हजार गोदानाचे उद्दिष्ट

पोहरादेवीत आज वसुबारसच्या मुहूर्तावर भव्य गोदान महासोहळा; १ लाख २५ हजार गोदानाचे उद्दिष्ट

पोहरादेवी येथे वसुबारसला भव्य गोदान महासोहळा! धर्मगुरू बाबुसिंग महाराज यांच्या हस्ते पूजन, महाआरती आणि महादीपोत्सव; १ लाख २५ हजार गोदानाचे उद्दिष्ट.

Nov 05, 2026
बंजारा आंदोलकांवरील गुन्ह्यांबाबत मुख्यमंत्र्यांचे पोलिस महासंचालकांना निर्देश; गुन्हे मागे घेण्याच्या आशा पल्लवित

बंजारा आंदोलकांवरील गुन्ह्यांबाबत मुख्यमंत्र्यांचे पोलिस महासंचालकांना निर्देश; गुन्हे मागे घेण्याच्या आशा पल्लवित

जिंतूर आंदोलनातील बंजारा आंदोलकांवरील गुन्ह्यांची दखल घेत मुख्यमंत्री देवेंद्र फडणवीस यांचे पोलिस महासंचालकांना निर्देश; गुन्हे मागे घेण्याच्या आशा पल्लवित.

Nov 05, 2026
'उद्धव ठाकरेंनंतर आता एकनाथ शिंदेंची शिवसेना फुटणार?' -अतुल लोंढे

'उद्धव ठाकरेंनंतर आता एकनाथ शिंदेंची शिवसेना फुटणार?' -अतुल लोंढे

शिंदेंची शिवसेना फुटणार? महायुतीतील संघर्षाच्या पार्श्वभूमीवर काँग्रेस नेते अतुल लोंढेंच्या दाव्याने महाराष्ट्राच्या राजकारणात खळबळ.

Oct 30, 2026
पदवीधर, शिक्षक मतदारसंघांची आचारसंहिता संपुष्टात; मुख्य निवडणूक अधिकारी कार्यालयाचे आदेश जारी

पदवीधर, शिक्षक मतदारसंघांची आचारसंहिता संपुष्टात; मुख्य निवडणूक अधिकारी कार्यालयाचे आदेश जारी

पदवीधर आणि शिक्षक मतदारसंघांची आचारसंहिता संपली. मुख्य निवडणूक अधिकारी कार्यालयाने 29 ऑक्टोबर रोजी आदेश जारी केला.

Oct 30, 2026