Youth drowned Death: औंढा नागनाथ तालुक्यातील आमदरी येथील बालाजी प्रकाश कर्हाळे (वय 19) या युवकाचा कालव्यात पोहताना बुडून मृत्यू झाला. पाण्याच्या खोलीचा अंदाज न आल्याने तो बुडाला.
आखाडा बाळापूर (Youth drowned Death) : औंढा नागनाथ तालुक्यातील आमदरी येथील बालाजी प्रकाश कर्हाळे (वय 19) या युवकाचा कळमनुरी तालुक्यातील घोडा शिवारातून जाणाऱ्या इसापूर धरणाच्या कालव्यात पोहताना बुडून मृत्यू झाला. 4 एप्रिल रोजी सकाळी नऊच्या सुमारास बालाजी मित्रांसोबत कालव्यात पोहण्यासाठी गेला होता. पाण्याच्या खोलीचा अंदाज न आल्याने तो पाण्यात बुडाला. स्थानिकांच्या मदतीने त्याला बाहेर काढण्यात आले, मात्र तोपर्यंत त्याचा मृत्यू झाला होता.
या (Youth drowned Death) घटनेची माहिती प्रकाश नारायण कर्हाळे यांनी दिल्यावरून आखाडा बाळापूर पोलीस ठाण्यात आकस्मात मृत्यूची नोंद करण्यात आली. घटनास्थळी पोलीस निरीक्षक विष्णुकांत गुठ्ठे, बिटप्रमुख राजेश घोंगडे, पोलीस कर्मचारी शिवाजी पवार व सरकटे यांनी भेट देऊन पंचनामा केला.
या प्रकरणाचा पुढील तपास आखाडा बाळापूर पोलीस करत आहेत.